पुणे महापालिका आयुक्तांचे कर संकलक प्रमुख बदली अन् रवी पवार यांची नियुक्ती बेकायदेशीर?; अभय योजनेच्या पार्श्वभूमीवर धक्कादायक निर्णय

अत्यंत शिस्तप्रिय अधिकारी आणि नियमानुसार काम करणारे आयुक्त या नावाने नावारुपास आलेल्या पुणे महापालिका आयुक्त नवल किशोर राम यांच्या वतीने 6 नोव्हेंबर च्या दरम्यान काढण्यात आलेल्या बदली आदेशामध्ये कर संकलक प्रमुख (उपायुक्त) यांची बेकायदेशीर बदली करताना राज्य शासनाकडून आलेल्या अधिकाऱ्यांची केलेली नियुक्ती बेकायदेशीर आहे का अशी शंका निर्माण झाली आहे. अत्यंत मितभाषी आणि कर्तव्यप्रिय अधिकारी म्हणून अविनाश सपकाळ यांची कारकीर्द असतानाही अचानक त्यांची मुदतपूर्तीच्या अगोदर उचल बांगडी करण्यामागचे राजकारण काय ही चर्चा महापालिका वर्तुळामध्ये सुरू झाली आहे. पुणे महापालिका आयुक्तांनी घेतलेला हा निर्णय बेकायदेशीर असून याचा फेरविचार करण्याबाबत आपला परिसरच्या वतीने उज्ज्वल केसकर माजी विरोधी पक्षनेते यांनी निवेदन देण्यात आले आहे; परंतु यावर पुणे महापालिका आयुक्त काय निर्णय घेतात? की ही बदली प्रक्रियाच वादात सापडून न्यायप्रविष्ट होण्याची शक्यता नाकारता येत नाही.

पुणे महापालिका आयुक्तांनी आपल्या अधिकार कक्षेमध्ये केलेल्या बदल्या हा त्यांचा विशेष अधिकार असून यामध्ये कोणाचा हस्तक्षेप शक्य नाही परंतु महापालिका आयुक्तांनी निर्णय घेताना किमान नियम पाळणे अपेक्षित आहे. पुणे महापालिकेतील कर आकारणी आणि कर संकलन प्रमुख तथा उपायुक्त यांची खात्याच्या अंतर्गत आपल्या अधिकारामध्ये बदली केली. सरकारकडून डेपुटेशनवर जे अधिकारी येतात ते मुंबई प्रांतिक अधिनियम कलम 45 B या अंतर्गत येणे अपेक्षित आहे तशी नेमणूक सध्या होत नाही ही वस्तुस्थिती आहे. त्यामुळे पुणे महापालिका प्रशासनामध्ये सध्या राज्य शासन नियुक्त अधिकारी व पुणे महापालिका थेट नियुक्त अधिकारी असे दोन वर्ग निर्माण झाले आहेत. त्याचा परिणाम प्रशासकीय कामावर होत असून राज्य शासन नियुक्त कर्मचारी आदेश बांधील कार्य करत आहे तर मुळात रस्त्यावर उतरून काम करत असतानाही योग्य न्याय मिळत नसल्याची हीन भावना थेट महापालिका नियुक्त कर्मचारी व अधिकारी वर्गांमध्ये निर्माण होत आहे.

पुणे महापालिकेच्या कर संकलन विभागाची मागील आकडेवारी पाहता गतवर्षी संपूर्ण वर्षभरात मालमत्ता मूल्यमापन 39 हजार इतके झाले तर नुकतेच नियुक्त झालेल्या प्रमुखांकडून गेल्या 5 महिन्यांमध्येच 43, 566 नवीन मिळकती कररचनेमध्ये आल्या. अविनाश सकपाळ यांनी पाच महिन्यापूर्वीच आपल्या पदाचा कार्यभार स्वीकारला होता. त्यांचे काम देखील प्रशांसनीय सुरू होते. महापालिकेचा निधी सर्वाधिक जमा व्हावा या उदात्य हेतूने कर संकलन प्रमुखांनीअभय योजनेचा प्रस्ताव त्यांनी मांडला होता. पुणे महापालिका आयुक्त या नात्याने या प्रस्तावाची अंमलबजावणी सुरू होत असतानाच मुख्य कर संकलक यांची बदली होणे म्हणजे सुवर्णकार्य काळामध्ये खांदेकरी बदलणे असा होणार आहे. मुळात ज्या कर संकलकाने पाच महिने अभ्यास करून काही आकडेवारीच्या आधारे अभय योजना लागू केली असल्याने विशिष्ट मिळकतींना लक्ष करून उद्दिष्ट कृती करण्याचे नियोजन पुणे महापालिका आयुक्त बदली आदेशानंतर कसे शक्य करणार आहेत हा खरा जिव्हाळ्याचा प्रश्न आहे.

 पुणे महापालिका आयुक्तांच्या नव्या अध्यक्षा नुसार नवीन नियुक्त रवी पवार यांना खाते समजून घेण्यासाठी पुढची दोन-तीन महिने नक्की जातील. यामुळे पुणे महापालिका आयुक्तांनी किमान 31 मार्च 2026 पर्यंत विद्यमान उपायुक्त यांनाच कार्यभार सोपवून योजना राबवून नवीन आर्थिक वर्षात म्हणजे 1 एप्रिल 2026 नंतर नवीन बदली आदेशाची संरचना करण्याची गरज आहे.

महापालिका विभागप्रमुखांच्या जबाबदारीत झाले हे फेरबदल ..

१) संदीप कदम (घनकचरा व्यवस्थापन विभाग)

२) अविनाश सकपाळ (मोटार वाहन विभाग तसेच पर्यावरण विभाग)

३) आशा राऊत (मध्यवर्ती भांडार विभाग तसेच सुरक्षा विभाग सनियंत्रण)

४) निखील मोरे (भूसंपादन व व्यवस्थापन विभाग तसेच परिमंडळ क्र. ५)

५) संतोष वारुळे (परिमंडळ क्र. २ विभाग तसेच सांस्कृतिक केंद्र विभाग)

६) प्रशांत ठोंबरे (मालमत्ता व व्यवस्थापन विभाग तसेच दक्षता विभाग)

७) सोमनाथ बनकर (अतिक्रमण/अनधिकृत बांधकाम निर्मूलन विभाग)

८) अरविंद माळी (परिमंडळ क्र. ४ विभाग तसेच आपत्ती व्यवस्थापन विभाग)

९) राहुल जगताप (ई-प्रशासक (प्रभारी पदभार) तसेच माहिती तंत्रज्ञान विभाग)

१०) माधव जगताप (आकाशचिन्ह व परवाना विभाग तसेच अग्निशमन विभाग)

११) तुषार बाबर (माहिती व जनसंपर्क विभाग, सोशल मीडिया कक्ष तसेच मंडई विभाग)

१२) विजयकुमार थोरात (सामान्य प्रशासन विभाग, तांत्रिक विभाग तसेच बीओटी सेल)

१३) संदीप खलाटे (झोपडपट्टी निर्मूलन व पुनर्वसन तसेच पुणे मनपा चाळ विभाग वसाहती)

१४) विजय लांडगे (स्थानिक संस्था कर विभाग, जनगणना विभाग तसेच जनरल रेकॉर्ड विभाग)

१५) प्रसाद काटकर (निवडणूक विभाग, तसेच महापालिका आयुक्त यांचे विशेष कार्यकारी अधिकारी)

१६) किशोरी शिंदे (उपायुक्त प्रशासन अटल बिहारी वाजपेयी वैद्यकीय महाविद्यालय तसेच उपायुक्त विशेष विभाग)

१७) वसुंधरा बारवे (प्राथमिक शिक्षण विभाग, माध्यमिक व तांत्रिक शिक्षण विभाग संनियंत्रण तसेच प्रशिक्षण प्रबोधिनी)

१८) जयंत भोसेकर (समाज कल्याण विभाग, समाज विकास विभाग, मागासवर्ग विभाग तसेच दिव्यांग तक्रार निवारण अधिकारी)

१९) रवि पवार (कर आकारणी व कर संकलन विभाग, महात्मा फुले वाडा आरक्षित क्षेत्राचे संपादनचे कामकाज तसेच क्रीडा विभाग)

२०) रमेश शेलार (मुख्य सुरक्षा अधिकारी-सहाय्यक अतिक्रमण/अनधिकृत बांधकाम निर्मुलन विभाग प्रमुख तसेच उपायुक्त यांच्या अधिनिस्त कामकाज)