पुणे महानगरपालिकेच्या निवडणुकीमध्ये प्रभाग क्रमांक ३० कर्वेनगर हिंगणे होन कॉलनी विजयी करण्यासाठी भारतीय जनता पक्षाने काही धक्कादायक निर्णय घेत जुन्या चेहऱ्याला थांबवत एक निष्ठावान एक तगडा आयात अशीही रणनीती आखत उर्वरित एक जागा ताब्यात घेण्याचे नियोजन केलेले असताना कर्वेनगरमध्ये यंदा मात्र अजितदादांच्या रणनीतीचे …काटे फिरले अन् गणितं जुळलं!. अजित पवार यांनीही भारतीय जनता पक्षाप्रमाणे सक्षम पॅनल बनवण्याच्या हेतूने दोन पक्षातील कर्वेनगर परिसरामध्ये विकास पर्व नावाने घराघरात पोहोचलेला स्वप्निल दुधाने हा युवा चेहरा सन्मानाने पक्षात घेत संपूर्ण रणनीती त्याच्या ताब्यात दिली आणि त्यानंतर या प्रभागातील गणिते बदलण्यास सुरुवात झाली. काँग्रेस पक्षाचा निष्ठवान कार्यकर्ता विजय खळदकर या तरुणांनेही अजित पवार यांच्या विचारांना पसंती देत पक्षप्रवेश केला. त्यानंतर या प्रभागातील गणित जुळण्यास सुरुवात झाली आणि जनमानसात चांगली प्रतिमा असलेल्या संगीता बराटे यांच्या सोबतीला निवेदिता जोशी या नव्या चेहऱ्याची भर पडल्याने कर्वेनगर च्या राजकीय गणितांमध्ये बदल होण्यास सुरुवात झाली आहे.
भारतीय जनता पक्षाची अजब यंत्रणा तीन-चार वर्षापासून या भागात काम करत असताना सुद्धा विचारांची पक्की बांधणी आणि केवळ आणि केवळ विकास प्रकल्प याला प्राधान्य देत स्वप्निल दुधाने यांनी दोन वेळा विजय खेचण्यात यश मिळवलेले असल्याने अजित पवार यांना कसलेला पैलवान मिळताच धुरंदर अजितदादा पवार यांनी इतर सर्व गणिते जुळवण्यास सुरुवात केली आणि भारतीय जनता पक्षाला खडे आव्हान निर्माण केले आहे. या प्रभागात गावकी-भावकीचे राजकारण जुळवत राष्ट्रवादी काँग्रेस पक्षाच्या वतीने चारही नव्या चेहऱ्यांना संधी देत एक सक्षम पर्याय उभा केला आहे. दोन होतकरू तरुण आणि दोन नव्या महिला चेहऱ्यांसह मतदारांना विकासाचे ‘स्वप्न’दाखवत राष्ट्रवादी काँग्रेस पक्षाचे उमेदवार जनतेसमोर मतांचा कौल मागण्यासाठी जात आहेत. भारतीय जनता पक्षाबरोबरच्या लढतीचे गटातील लढती(अ, ब, क, ड)नुसार अत्यंत सूक्ष्म नियोजन स्वप्निल दुधाने यांच्या मार्फत पूर्वीच करण्यात आले होते. महाराष्ट्राचे लाडके उपमुख्यमंत्री अजितदादा पवार यांच्यासमोर याची मांडणी करण्यात आल्यानंतर अजित पवार यांनी सुद्धा याच गणिताला पूरक अशी रणनीती आखत भारतीय जनता पक्षाचा करेक्ट कार्यक्रम करण्याचे नियोजन आखले.
प्रभाग क्रमांक 30 कर्वेनगर हिंगणे होम कॉलनी परिसरामध्ये राष्ट्रवादी काँग्रेस पक्षाचे अधिकृत उमेदवार म्हणून जागा क्रमांक अ नागरिकांचा मागास प्रवर्ग गटातून स्वप्नील देवराम दुधाने, जागा क्रमांक ब सर्वसाधारण महिला गटातून लाडक्या बहिणींमध्ये प्रसिद्ध असलेल्या संगीता संजय बराटे यांना उमेदवारी देण्यात आली आहे. जागा क्रमांक क सर्वसाधारण महिला जोशी निवेदिता शैलेश व जागा क्रमांक ड सर्वसाधारण विजय रामेश्वर खळदकर असे सगळे कार्यकर्ते सोबतीला देऊन भारतीय जनता पक्षाला आवाहन देण्याचे काम केले जात आहे. मुळात एका उग्र विचाराच्या उमेदवाराला पाठबळ देण्याच्या नावाने भारतीय जनता पक्षाच्या वतीने दिलेली संधी ही कर्वेनगर परिसरातील ‘शांतता भंग’ करू शकेल अशी प्रचाराची दिशा तयार झाली असल्याने राष्ट्रवादी काँग्रेस पक्षाच्या उमेदवारांना दिवसेंदिवस पसंती वाढत आहे.
