महापालिकेच्या सार्वत्रिक निवडणुका जाहीर झाल्यापासून सर्वत्र प्रचाराची धामधूम सुरू असली तरीही कायम जनसेवेत व्यस्त! अशी ओळख निर्माण केलेल्या उमेदवारांचं पॅनल म्हणून प्रभाग क्रमांक दहा मधील भारतीय जनता पक्षाच्या उमेदवारांकडे पाहिले जात आहे. अन्य पक्षाकडून प्रचारात मोठ मोठी आश्वासन दिली जात असताना भारतीय जनता पक्षाचे कोथरूड – बावधन भुसारी प्रभाग 10 मधील उमेदवार मात्र नातं जनसेवेचं आपुलकीचं आणि जिव्हाळ्याचं! सुखद प्रतिसादाची अनुभूती घेत आहेत. भारतीय जनता पक्षाच्या वतीने जोरदार प्रचार केला जात असला तरी सुद्धा या दरम्यानही विकास कामांवर चर्चा केली जात असून हक्काचे चेहरे म्हणून नागरी प्रतिसाद प्रचंड प्रमाणात मिळत आहे. प्रभागातील नागरिकांच्या सेवेसाठी उपलब्ध असलेले भाजपाचे चार उमेदवार किरण दगडे पाटील, रुपाली सचिन पवार, अल्पना गणेश वरपे, दिलीप वेडेपाटील हे नागरिकांच्या घरोघरी प्रचाराला जात असताना सुद्धा समस्या सोडण्यासाठी कार्यक्षम योजना देण्याचे नियोजन करताना दिसून येत आहेत.
प्रभाग क्रमांक दहा मधील महात्मा सोसायटी, सारथी शिल्प, मंगलधाम सोसायटी, वृंदावन, रोहन गार्डन, हरिप्लाझा, कुंबरे पार्क, हील व्हिव, जिजाई नगरी, मौर्य विहार आदी परिसरातील सोसायट्यांना नुकत्याच चारही उमेदवारांनी भेटी देत नागरिकांशी थेट संवाद साधला. या भेटी दरम्यान प्रभागातील विविध नागरी प्रश्न, रखडलेली विकासकामे तसेच आगामी योजनांबाबत सविस्तर चर्चा करण्यात आली. या प्रचार दौऱ्यात प्रामुख्याने अनेक वर्षांपासून प्रभागातील रखडलेले डिपी रस्ते- एकलव्य कॉलेज रस्ता, मौर्य विहार रस्ता, हायवे ते महात्मा सोसायटी जोडणारा रस्ता, आशिष गार्डन ते शांतीबन चौक या रस्त्यांच्या प्रश्न मार्गी लावल्याने नागरिकांनी यावेळी समाधान व्यक्त केले.
भाजपचे अधिकृत उमेदवार किरण दगडे पाटील, रुपाली सचिन पवार, अल्पना गणेश वरपे, दिलीप वेडेपाटील यांनी नागरिकांच्या तक्रारी ऐकून घेतल्या. मांडण्यात आलेल्या सर्व समस्यांचा टप्प्याटप्प्याने पाठपुरावा करून येणाऱ्या काळात त्या सोडवण्यात येतील, अशी ठाम ग्वाही चारही उमेदवारांनी दिली. प्रभागातील रस्ते विकास, मूलभूत सुविधा आणि नागरी सोयीसुविधांना प्राधान्य देण्यात येईल, असेही त्यांनी स्पष्ट केले. याभेटीहामुळे नागरिकांमध्ये समाधान व्यक्त करण्यात आले. थेट संवादातून समस्या मांडण्याची संधी मिळाल्याने स्थानिक रहिवाशांनी उमेदवारांचे स्वागत केले. आगामी काळात विकासकामांना गती मिळेल, अशी अपेक्षा यावेळी नागरिकांनी व्यक्त केली.
