टेकप्रेमींसाठी एक आनंदाची बातमी आहे! Apple लवकरच आपली नवी iPhone 17 सीरीज बाजारात आणण्याच्या तयारीत आहे. अद्याप लॉन्चची अधिकृत तारीख जाहीर झालेली नसली, तरी विविध लीक्स आणि रिपोर्ट्समधून या नवीन iPhone सिरीजविषयी अनेक मोठ्या अपडेट्स समोर आले आहेत. यंदा iPhone 17 मध्ये डिझाइनपासून ते डिस्प्ले आणि इंटरफेसपर्यंत अनेक ठळक बदल पाहायला मिळणार आहेत.
बेजेल्स आणखी पातळ – अधिक आकर्षक लूक
iPhone 16 Pro आणि Pro Max मध्ये Apple ने गेल्यावर्षीपर्यंतचे सर्वात पातळ बेजेल्स दिले होते. मात्र यंदा ही पातळ किनार iPhone 17 आणि नवीन iPhone 17 Air या दोन्ही मॉडेल्समध्ये देखील दिसणार आहे. यामुळे स्क्रीन अधिक आकर्षक आणि immersive वाटणार आहे.
Plus मॉडेल बंद – ‘Air’ मॉडेलची एंट्री
Apple यंदा Plus वेरिएंट रद्द करून त्याच्या जागी iPhone 17 Air हे नवीन मॉडेल घेऊन येणार आहे. हे मॉडेल अधिक हलके, स्लीम आणि कॉम्पॅक्ट असेल. जे वापरकर्त्यांना प्रीमियम फील देणाऱ्या पण सहज हाताळता येणाऱ्या iPhone चा पर्याय शोधत आहेत, त्यांच्या गरजा लक्षात घेऊन हे मॉडेल डिझाइन करण्यात आलं आहे.
Dynamic Island UI मध्ये सुधारणा
नवीन iPhone 17 सीरीज iOS 26 वर आधारित असेल. या नव्या OS मध्ये Dynamic Island इंटरफेस अधिक फंक्शनल आणि इनोव्हेटिव्ह होणार आहे. यामधील कटआउट आणखी लहान होण्याची शक्यता असून, यामुळे स्क्रीन युटिलायझेशन अधिक चांगले होईल.
डिस्प्ले साईझ आणि रिफ्रेश रेटमध्ये बदल
iPhone 17 च्या बेस मॉडेलमध्ये यंदा 6.1 ऐवजी 6.3 इंच डिस्प्ले असू शकतो. याशिवाय, रिफ्रेश रेट देखील 60Hz वरून 90Hz पर्यंत वाढवण्यात येण्याची शक्यता आहे. Pro आणि Pro Max मॉडेल्समध्ये अँटी-रिफ्लेक्टिव्ह कोटिंग असलेले डिस्प्ले असू शकतात, ज्यामुळे प्रकाश पडल्यावरही स्क्रीनवर स्पष्टपणे बघता येईल.
कधी लॉन्च होणार iPhone 17 सीरीज?
Apple दरवर्षीप्रमाणे यंदाही आपली नवीन iPhone सिरीज सप्टेंबर 2025 मध्ये सादर करू शकतो. अद्याप कंपनीकडून अधिकृत घोषणा झालेली नसली, तरी या महिन्यातच लॉन्च होण्याची शक्यता आहे.
