पुण्याचे पश्चिमद्वार असलेल्या चांदणी चौक वाहतूक कोंडीची सुटका व्हावी यासाठी गेली दोन वर्षे पाठपुरावा करणाऱ्या स्थानिक नगरसेवक दिलीप वेडेपाटील यांच्या प्रयत्नांना यश आले असून एकलव्य कॉलेज ‘मिसिंग लिंक’ महानगरपालिकेने सकारात्मक पाऊल टाकले असून पथ विभागाच्या मार्गदर्शनाखाली आज दुपारी बाधित जागा मालकांच्या बैठक्या आयोजित केल्या होत्या. त्या बैठकीवेळी स्थानिक नगरसेवक दिलीप वेडेपाटील यांनी सविस्तर माहिती अतिरिक्त आयुक्त यांना नकाशावर दिल्यामुळे हा प्रश्न लवकर मार्गी लागण्याची शक्यता निर्माण झाली आहे.
या परिसरातील वाहतुकीचा विचार करता सदरील रस्ता 36 मीटर करण्याची मागणी स्थानिक नगरसेवकांनी केली असून प्रशासनाच्या वतीने सर्वप्रथम पंधरा मटरचा रस्ता ताब्यात घेऊन पुन्हा 36 मीटर रुंदीकरणाचा विचार करण्यात येणार असल्याचे आश्वासन दिले आहे. पुणे महानगरपालिकेमध्ये आज दुपारी मा. अतिरिक्त आयुक्त ओमप्रकाश दिवटे साहेब यांच्या समवेत कोथरूड येथील एकलव्य कॉलेज परिसरातील प्रलंबित मिसिंग लिंक रस्त्याबाबत महत्त्वपूर्ण बैठक पार पडली. या बैठकीस मोहिते कॉलेजचे प्रमुख श्री. संदीप संत, एकलव्य कॉलेजचे प्रमुख श्री. राजेश नाकडे, पथ विभाग प्रमुख श्री. राजेश बनकर, श्री. भुतडा साहेब, भूसंपादन विभागाचे श्री. बांगर साहेब तसेच संबंधित अधिकारी उपस्थित होते.
सदरील रस्त्याच्या रुंदीकरण व प्रलंबित प्रश्नांवर सविस्तर चर्चा करण्यात आली. नागरिकांच्या अनेक वर्षांच्या मागणीला आता न्याय मिळण्याची चिन्हे दिसत असून हा प्रश्न लवकरच निकाली निघणार आहे. रस्ता रुंद झाल्यामुळे वाहतूक कोंडी कमी होऊन या रस्त्यावर दुहेरी वाहतुकीचा नागरिकांना अधिक सुरक्षित आणि सुकर प्रवासाची शक्य होणार असल्याचे यावेळी नगरसेवक दिलीप वेडेपाटील यांनी सांगितले.
