वारजे माळवाडी नाव घेतलं की अभिमान स्वाभिमान आणि सन्मान संपूर्ण पुणे शहरात मिळतो त्यामागचं कारण म्हणजे परिसराच्या सर्वांगीण विकासासाठी बराटे परिवारांनी घेतलेले कष्ट अन् दूरदृष्टी! आज ‘होय वारजे बदलतंय!’ असे अभिमानाने बोलले जात असले तरीही वारजे माळवाडीतील सांस्कृतिक सामाजिक आणि वैचारिक विचारांची पेरणी झालेल्या साहित्यिक कलावंत प्रतिष्ठानच्या वटवृक्षी छत्रछायेखाली सुशील सुसंस्कृत आणि विनयशील अभ्युदय दिलीपभाऊ बराटे युवा नेतृत्वाचा ‘उदय’ होत आहे. बदललेल्या वारजेच्या उंबरठ्यावर या नेतृत्वाने घरातूनच मिळालेल्या प्रगल्भ वारश्याच्या जीवावर जनसेवेची नस ओळखत ‘रक्ताच्या नात्यातून!’ आपला जनसेवेचा अभ्युदय (एखाद्या चांगल्या गोष्टीची सुरुवात) केला आहे. ज्येष्ठांच्या नेतृत्वाखाली ‘आरोग्य’दूत रूपाने …नातं जीवाशी नातं घराघराशी! ब्रीदवाक्य ठेवून वारजे माळवाडी परिसरासाठी हक्काची ‘वारजे ब्लड बँक’ सुरू करण्याचा दृढ संकल्प केला. या नव्या नेतृत्वाच्या नातं जीवाशी नातं घरा घराशी! या अभिनव उपक्रमांला यशही मिळेल. अशा या विनयशील नेतृत्वास ‘लोकायत’ परिवाराकडून वाढदिवसाच्या अनंत शुभेच्छा!
वारजे माळवाडी नाव घेतलं की त्याबरोबर संपूर्ण शहरात जे नाव घेतले जातात ते म्हणजे दिलीपभाऊ बराटे यांचे! कारण, वारजे घडत, वाढत असताना ज्या गोष्टींची आवश्यकता होती त्या सर्व गोष्टीसाठी त्यांनी घेतलेले कष्ट अन दूरदृष्टी त्यांच्या मुलाने जवळून पाहिले अन आत्मसात केले. गावाच्या विकासात सांस्कृतिक वैचारिक विकासाचे महत्व स्पष्ट झाल्यामुळे सांस्कृतिक ठेवणंही त्याच उच्च कोटीची व्हावी यासाठी झटलेल्या घरातून अभ्युदय दिलीप बराटे या नेतृत्वाचा कार्यारंभ होत आहे. सुरुवातीची काळामध्ये या नवख्या तरुणाकडे फक्त वारसा आहे असे वाटत असतानाच आपल्या नेतृत्व कौशल्याच्या साथीने आज या नवतरुणाने ‘नातं जीवाशी नातं घरा घराशी!’ आपली वेगळी भूमिका जनसेवी भूमिका घेतल्याने समाजातील दिन -दुबळ्या अन् गरज जिवंत लोकांना नक्कीच हक्काचा आधार मिळणार तोही आपल्या विश्वासाच्या बराटे परिवाराकडूनच! वारजे माळवाडी परिसराच्या सर्वांगीण विकासासाठी ध्येय धोरणांची अंमलबजावणी करण्याकडेही याच परिवाराने आज पर्यंत प्रयत्न केले आहेत. उच्च विद्याभूषित अन प्रगल्भ लोकांची मांदियाळी वाढत असताना त्यांच्या वैचारिक आणि व्यासंगी विचारांना व्यासपीठ देण्याचे काम एकीकडे सुरू केले तर दुसरीकडे पुणे शहरातील सर्वाधिक अकुशल कष्टकरी लोकवस्ती असलेल्या मध्यमवर्गीय नागरिकांसाठी शैक्षणिक व आरोग्याच्या सुविधा देण्यासाठी आजपर्यंत काम केले आहे.
या कामाचा पुढचा टप्पा म्हणून वारजे ब्लड बँक नावाने ‘नातं जीवाशी नातं घरा घराशी! ही लोकोपयोगी अभ्युदय सेवा सुरू होत आहे. ‘अभ्युदय’ म्हणजे एखाद्या चांगल्या गोष्टीची सुरुवात अशी नावाला साजेशी कामगिरी दिलीपभाऊ बराटे यांच्या सुपुत्राने वाढदिवसाच्या निमित्ताने सुरू केल्याने कौतुकांचा वर्षाव सुद्धा नक्कीच होणार! भारतभूषण बराटे आणि अभ्युदय बराटे या तरुणपिढीने सर्वांगीण विकासासाठी निखळ समाजसेवेचे व्रत हाती घेतले असल्यामुळे वारजेकरांच्या आनंदात निश्चितच भर पडली आहे.
महाराष्ट्राच्या विदर्भ, मराठवाडा, उत्तर महाराष्ट्र, पश्चिम महाराष्ट्र भागातून मोठ्या प्रमाणात स्थलांतर झालेली लोकवस्ती असल्याने अडचणीच्या काळामध्ये रक्ताची गरज ही अमूल्य सेवा वारजे ब्लड बँक नावाने सुरू होत असल्याने एका नव्या जाणिवेचा चेहरा म्हणून अभ्यूदय दिलीप बराटे या नेतृत्वाकडे नक्कीच पाहिले जाणार आहे. सुरुवातीला नव्या पिढीचा चेहरा भारतभूषण बराटे यांच्या खांद्याला खांदा लावून नव्या पिढीने कार्यारंभ केला. आपल्या वैचारिक बैठकीने नव्या पिढीची ही वाटचाल बदललेल्या वारजे माळवाडीच्या घराघरात पोहचली असून वारजे माळवाडीच्या “नव्या पिढीचं नव नेतृत्व!” म्हणून या भावांच्या जोडीकडे पाहिले जात असताना अभ्युदय बराटे यांनी …नातं जीवाशी नातं घराघराशी! सुरू केलेली नवी संकल्पना सध्या चर्चेत आहे. पारंपारिक राजकीय हेवेदावे करण्यापेक्षा परिसराच्या विकासासाठी नव्या योजना नव्या संकल्पना आणि नवतरुणांना एकत्र घेत एक नवे अभियान सुरू करण्यात या नेतृत्वाला यश प्राप्त झाले आहे. वारजे माळवाडीच्या प्रगल्भ विकासासाठी 1970पासून झटत असलेल्या आपल्या वडीलधारी मंडळींच्या शिदोरीच्या परंपरेतून नव्या विचाराची पक्की बांधीलकी अभ्युदय बराटे यांनी केली आहे. सर्वसामान्य लोकांची आपुलकीने चौकशी करणे त्यांच्या अडीअडचणी सोडवणे प्रसंगी स्व- अर्जित पैशाची गरज पडली तरी सुद्धा या नेतृत्वाने कधीही दुर्लक्ष होऊ दिले नाही.
घराण्याचा वारसा आणि विचारांची पक्की बांधणी या दुग्धशर्करा योगाच्या जीवावर अभ्युदय बराटे यांच्या नातं जीवाशी नातं घरा घराशी! उपक्रमाची व्याप्ती दिवसेंदिवस वाढतच जाणार आहे. 
मा. अभ्युदय दिलीपभाऊ बराटे यांच्या वाढदिवसानिमित्त संस्कार मंदिर वारजे पुणे, वारजे ब्लड बँक च्या वतीने भव्य रक्तदान शिबिर शुक्रवार दि. 26 जून 2026 सकाळी 9 ते संध्याकाळी 5 वाजेपर्यंत. कै. सुभद्रा प्रभाकर बराटे प्लॅटिनम मल्टीस्पेशालिटी हॉस्पिटल गणपती माथा गणेशपुरी रोड वारजे माळवाडी पुणे यांच्या वतीने आयोजित करण्यात आले आहे. (प्रत्येक रक्तदात्यास आय.एस.आय मार्क हेल्मेट भेट देण्यात येईल)
याबरोबर आरोग्य तपासणी व उपचार सुविधा शिबिर आयोजित केले असून यामध्ये
- मोफत मेडिसिन OPD
- मोफत गरोदर माता तपासणी व स्त्री रोग OPD
- मोफत डोळ्याची (नेत्र) तपासणी
- मोफत लहान मुलांचे लसीकरण
- मोफत ECG
- मोफत शुगर तपासणी
- मोफत X-RAY (छातीचा)
- फ्री अँजिओप्लास्टी (3 stents फक्त) आयुष्मान कार्ड
- मोफत दंत तपासणी OPD या सुविधा देण्यात येणार आहेत.
