मुंढर दि. २१ (रामदास धो. गमरे) तालुका विधी सेवा समिती, गुहागर यांच्या वतीने दि. २० जानेवारी २०२६ रोजी ग्रामपंचायत कार्यालय, मुंढर कातकीरी येथे फिरत्या मोबाईल व्हॅनद्वारे कायदेविषयक मार्गदर्शन शिबीर व लोकअदालत यशस्वीपणे संपन्न झाली. या शिबिरामध्ये Legal Services Authority Act and ADR Mechanism, Domestic Violence Act तसेच Right of Children and Related Acts (POCSO Act सहित) या महत्त्वाच्या विषयांवर मार्गदर्शन करण्यात आले.
या शिबिरात निवृत्त जिल्हा न्यायाधीश श्री. डी. एस. जामखेडकर यांनी Legal Services Authority Act and ADR Mechanism या विषयावर सविस्तर व उपयुक्त माहिती दिली. तसेच ॲड. एस. जी. अवेरे यांनी Domestic Violence Act व बालहक्क व संबंधित कायदे (POCSO Act) या विषयांवर बहुमोल मार्गदर्शन करून उपस्थितांचे प्रबोधन केले.
कार्यक्रमाचे सूत्रसंचालन व आभार प्रदर्शन ग्रामपंचायत अधिकारी सुरेश गोरे यांनी केले. या कार्यक्रमास ग्रामपंचायत मुंढर कातकीरीच्या सरपंच आमिषा गमरे, उपसरपंच भक्ती धनावडे, तंटामुक्ती समितीचे अध्यक्ष प्रकाश शिर्के, माजी पंचायत समिती सदस्य प्रभाकर शिर्के, माजी सैनिक कॅप्टन रविंद्र शिर्के, पोलीस पाटील निलेश गमरे, शिक्षक किरण धनावडे व राजेंद्र बाणे, आरोग्य सेवक विलणकर, अंगणवाडी सेविका, आशा स्वयंसेविका, मदतनीस, ग्रामपंचायत कर्मचारी तसेच ग्रामस्थ मोठ्या संख्येने उपस्थित होते.
या संपूर्ण कार्यक्रमाचे उत्कृष्ट नियोजन मा. श्री. शेखरजी भिलारे गटविकास अधिकारी, पंचायत समिती गुहागर तथा सदस्य सचिव, तालुका विधी सेवा समिती, गुहागर यांनी केले. उपस्थितांच्या सक्रिय सहभागामुळे शिबीर यशस्वी ठरले.
