पुणे : समाजसेवेची तळमळ, व्यावसायिक क्षेत्रातील कर्तृत्व आणि सामाजिक बांधिलकी यांचा सुंदर संगम साधणारे माजी नगरसेवक व प्रसिद्ध उद्योजक संजय भाऊ यांच्या वाढदिवसानिमित्त अभिष्टचिंतन सोहळा आणि भव्य रक्तदान शिबिराचे आयोजन करण्यात आले आहे. संजय भोर यांनी वारजे शिवणे अन् पुणे जिल्ह्यात समाजासाठी कायम योगदान दिले आहे. भोर इंजिनिअरिंग प्रा. लिमिटेड व्यवसायात अटळ ध्येय ठेवून संजयभाऊ यांनी अभिमानास्पद उंची वाढवली आहे. समाजसेवी कणा अन् व्यावसायिक बाणा; ‘संजय’भाऊना वाढदिवसानिमित्त मनःपूर्वक अभिष्टचिंतन!
१० ऑगस्ट रोजी भोर इंजिनिअरिंग प्रा. लि., दांगट इंडस्ट्रियल इस्टेट, शिवणे येथील कंपनी परिसरात हा उपक्रम होणार आहे. रक्तदान शिबिराचे आयोजन सकाळी ९ ते सायंकाळी ५ वाजेपर्यंत, तर अभिष्टचिंतन सोहळा सायंकाळी ५ ते ६ या वेळेत होणार आहे.
सामाजिक कार्याला सातत्याने प्रोत्साहन देत ‘रक्तदान हेच श्रेष्ठदान’ या भावनेतून सलग १२व्या वर्षी रक्तदान शिबिराचे आयोजन करण्यात आले आहे. नागरिकांनी मोठ्या संख्येने सहभागी होऊन रक्तदान करण्याचे आवाहन आयोजकांकडून करण्यात आले आहे.
व्यवसायाच्या माध्यमातून रोजगारनिर्मिती आणि समाजसेवेच्या माध्यमातून सामाजिक योगदान, अशी ‘समाजसेवी कणा अन् व्यावसायिक बाणा’ अशी संजयभाऊंची ओळख निर्माण झाली आहे. त्यांच्या वाढदिवसानिमित्त आयोजित या सामाजिक उपक्रमातून सेवा, सामाजिक बांधिलकी आणि माणुसकीचा संदेश देण्यात येत आहे.
