उमटे दि. १७ (प्रवीण राकेश रसाळ) गावातील पिढीजात चालत आलेल्या पारंपरिक क्रीडा संस्कृती जपण्यासाठी होशी बेलगाडी मित्र मंडळ व ग्रामस्थ मंडळ उमटे यांच्या संयुक्त विद्यमाने भव्यदिव्य बेलगाडी व घोडागाडी जंगी शर्यतीचे आयोजन करण्यात आले आहे. सदर थरारक स्पर्धा सोहळा रविवार दि. २२ मार्च २०२६ रोजी दुपारी २.३० वाजता उमटे गावात उमटे माती बंदर येथे पार पडणार आहे.
सदर शर्यतीत परिसरातील नामांकित बेलगाडी व घोडागाडी चालक सहभागी होणार असून, वेग, कौशल्य आणि परंपरेचा थरारक संगम याठिकाणी पाहायला मिळणार आहे, तरी स्पर्धकांनी, ग्रामस्थांनी व विभागातील हौशी प्रेक्षकांनी मोठ्या संख्येने उपस्थित राहून कार्यक्रमाची शोभा वाढवावी असे आवाहन होशी बेलगाडी मित्र मंडळ व ग्रामस्थ मंडळ उमटे यांनी केले आहे. सदर जंगी शर्यतीच्या आयोजनामुळे उमटे गाव व पंचक्रोशीत उत्साहाचे वातावरण निर्माण झाले असून यामुळे पारंपरिक खेळांना चालना मिळण्यास मदत होईल अशी आशा आयोजकांनी व्यक्त केली आहे.
