सातारा रस्त्यावरील चव्हाणनगर भागात सोमवारी रात्री साडेदहाच्या सुमारास दोन अल्पवयीन मुलांवर कोयत्याने हल्ला करण्यात आला, यामध्ये एकाचा गंभीर जखमी झाला आहे, अशी माहिती सहकारनगर पोलिसांनी दिली.
पीडित दोघेही (वय १६ आणि १७) अण्णा भाऊ साठे चौकातील एका स्टेशनरी दुकानात काम करतात. कामावरून घरी जात असताना अज्ञात आरोपींनी त्यांना अडवले. त्यांच्यात शाब्दिक वाद झाल्यानंतर कोयत्याने दोघांवर हल्ला करण्यात आला.
हल्ल्यानंतर दोघांनाही तातडीने रुग्णालयात नेण्यात आले असून, त्यापैकी एकाची प्रकृती अत्यवस्थ असल्याचे डॉक्टरांनी सांगितले आहे.
सहकारनगर पोलीस ठाण्याचे अधिकारी म्हणाले, “आरोपी अद्याप फरार असून त्यांच्या विरोधात गुन्हा नोंदवण्यात आला आहे. लवकरच आरोपींचा शोध घेऊन अटक केली जाईल.”
