साताऱ्यात झालेल्या 52 व्या हिंद केसरी स्पर्धेच्या फायनलमध्ये मोठा राडा झाल्याचं पहायला मिळालं होतं. सोलापूरचा बाहुबली पैलवान महेंद्र गायकवाड आणि पुण्याचा रांडगा गडी म्हणजेच पैलवान पृथ्वीराज मोहोळ यांच्यात फायलनचा सामना रंगला होता.साताऱ्यात झालेल्या 52 व्या हिंद केसरी स्पर्धेच्या फायनलमध्ये मोठा राडा झाल्याचं पहायला मिळालं होतं. सोलापूरचा बाहुबली पैलवान महेंद्र गायकवाड आणि पुण्याचा रांडगा गडी म्हणजेच पैलवान पृथ्वीराज मोहोळ यांच्यात फायलनचा सामना रंगला होता. मात्र, या सामन्यात पृथ्वीराज मोहोळ याच्या हाताला दुखापत झाली अन् त्याला पुढे सामना खेळला आला नाही. महेंद्रने मुद्दामहून हात पिळला असा आरोप केला जात असताना आता पृथ्वीराज मोहोळ याची प्रतिक्रिया समोर आली आहे. कालच्या हिंदकेसरी कुस्ती स्पर्धेत गैर प्रकरण झालं, असा आरोप पृथ्वीराज मोहोळ याने केला आहे.
काय काय म्हणाला पृथ्वीराज मोहोळ? पाहा
https://www.instagram.com/reel/DYeF_kroST4/?igsh=YXFwcjhoeTd1M21w
माझा हात क्रॅक पण झालाय… – पृथ्वीराज मोहोळ
कुणाला अपेक्षा नव्हती अशी कुस्ती झाली. मला दुखापत करण्याचा समोरच्यांनी पूर्ण प्रयत्न केला. सगळी घटना महाराष्ट्राच्या जनतेने बघितली आहे. मला हॉस्पिटलमध्ये जावं लागलं. सीटी स्कॅन आणि एमआरआय करावा लागला. मला जास्त दुखापत झाली आहे. माझा हात क्रॅक पण झालाय आणि लागँमेंटला देखील दुखापत झालीये. जे झालंय ते लपवून ठेवण्यात आलंय, असं पृथ्वीराज मोहोळ म्हणाला.
‘कुठं हात चढव, वर कर..’
समोरच्यांचे जे वस्ताद होते, मोहित पवार, काका पवार आणि शरद पवार यांची ऑडिओ क्लिप पण माझ्याकडं आहे. कुठं हात चढव, वर कर…त्याचा हात सोडू नको, हात अजून वर घे… हे सगळं महाष्ट्राच्या जनतेने कुस्तीवेळी पाहिलं आहे. मला यावर वेगळं बोलायची गरज नाही. मी या गोष्टी बोलून दाखवणार नाही, ते माझं काम नाही, असंही पृथ्वीराज मोहोळ म्हणाला.
आधीही माझ्यावर असे प्रयत्न झालेत
सगळ्यांनी माझ्यावर प्रेम दाखवलं. माझं वय पण कमी आहे. हिंद केसरीची फायनल एवढ्या कमी वयात गाठणारा पैलवान पण मीच असेल. पण अशी कुस्ती झाल्याने मला पण दु:ख होतंय. असं व्हायला नको होतं. माझी या पैलवानासोबत आधी पण कुस्ती झाली होती. माझ्यावर आधीपण असेल प्रयत्न झालेत. एवढंच नाही तर महाराष्ट्र कुस्तीच्या फायनलमध्ये पण हर्षवर्धन सदगीरवर असेच प्रयत्न केले गेले होते, असंही पृथ्वीराज मोहोळ याने म्हटलं आहे.
