वाकड: ऑल आयकॉनिक सीनियर सिटिझन्स असोसिएशन (AISCA) तर्फे वाकड येथील मॉंट व्हर्ट ट्रॉपेझ सोसायटीमध्ये “आनंदयात्री” हा विशेष कार्यक्रम उत्साहपूर्ण वातावरणात पार पडला. या कार्यक्रमात वरिष्ठ नागरिकांनी मोठ्या उत्साहाने सहभाग घेतला. संस्थेच्या अध्यक्षा शकिला शेख यांच्या संकल्पनेतून कार्यक्रमाचे नियोजन करण्यात आले होते.
यावेळी आयोजित करण्यात आलेल्या फॅशन शोमध्येही वरिष्ठ नागरिकांनी प्रचंड उत्साहाने भाग घेतला. या स्पर्धेत सुधीर सराफ, दीपक लोंढे आणि सौ. वर्षा यांनी उत्कृष्ट सादरीकरण करून बक्षिसे मिळवली.
वाकडचे नगरसेवक श्री. संजय कलाटे यांनी स्वतः उपस्थित राहून ज्येष्ठ नागरिकांचा उत्साह वाढवला तसेच भविष्यात AISCA सोबत राहण्याची इच्छा व्यक्त केली. गुरुदत्त ज्येष्ठ नागरिक संघाचे संस्थापक अध्यक्ष पोपटराव पवार, तात्यासाहेब केंगर आणि त्यांच्या अनेक सदस्यांनीही उपस्थित राहून कार्यक्रमाला विशेष रंगत आणली.
कार्यक्रमाचे सुत्रसंचालन शीतल वाघ यांनी प्रभावीपणे केले. कार्यक्रमाच्या सुरुवातीला कॉर्डिनेटर सुनिला कवीटकर यांनी AISCA संस्थेची माहिती व संस्थेचे उद्दिष्ट उपस्थितांसमोर मांडले. संस्थेचे सांस्कृतिक विभाग प्रमुख सुहास घोडके यांनी तांत्रिक बाजू भक्कमपणे सांभाळली. माधुरी बेल्लाडे आणि रुपाली अभंग यांनी फैशन शोच्या परीक्षणाचे काम केले.
या प्रसंगी संस्थेचे कमिटी मेंबर्स स्मिता वाघ, अनिल कुलकर्णी यांच्यासह अनेक ज्येष्ठ नागरिक मोठ्या संख्येने उपस्थित होते. आनंद, उत्साह आणि सहभाग यामुळे हा कार्यक्रम सर्वांसाठी संस्मरणीय ठरला.
