कर्वेनगर प्रभाग क्रमांक 30 मध्ये महिलांचे आरोग्य आणि सर्वांगीण विकास साध्य करण्यासाठी पुणे महापालिका निवडणुकीमध्ये मैदानात उतरलेल्या राजमुद्रा प्रतिष्ठानची कडवट ‘शिवकन्या’ मनिषाताई विरेश शितोळे प्रभाग क्रमांक 30 (क) यांना विजयी करण्यासाठी कर्वेनगर परिसरातील सुमारे 2000 महिला सक्रिय झाले असून स्नेह मेळाव्याच्या निमित्ताने या प्रभागात विजय साकार करण्याचा संकल्पच या महिलांकडून करण्यात येत आहे. …नाते जनसेवेचे! तुमचे आमचे सर्वांचे! असा विजयी उद्घोष करत लाडक्या बहिणी ‘विक्रमी’ प्रतिसाद देत सहभाग नोंदवल्याने प्रचाराची दिशा प्रचंड वेगवान झाली आहे. कर्वेनगरमध्ये विकासाला बाजूला सारून वेगळ्या प्रवृत्तीला खतपाणी घालणाऱ्या मानसिकतेचा करेक्ट कार्यक्रम करण्याचा एल्गार या स्नेह मेळाव्यामध्ये देण्यात आला. 2000 सक्रिय लाडक्या बहिणी प्रचारात आल्याने प्रभाग क्रमांक 30 क मधील ‘तुतारी’ ची गणित गणिते बदलली असून मतदारांचीही पसंती वाढत आहे.
कर्वेनगर भागातील नव्या पिढीच्या आशा अपेक्षापूर्तीला मनिषाताई यांनी साद घातल्याने नव्या विचाराचे नव्या धोरणाचे तरुण-तरुणी या लाडक्या बहिणींसह तुतारीला पसंती देत आहेत. कर्वेनगरच्या सर्वांगीण विकासासाठी तुतारीचा सूर घराघरात पोचवण्यासाठी लाडक्या बहिणींनी मनिषाताई विरेश शितोळे यांच्या पाठीमागे उभे राहण्याचा निर्णय घेतल्याने व्यक्तिगत गाठीभेटीमध्ये जागोजागी त्याची प्रचिती येत आहे. कर्वेनगर परिसरातील श्रीमान सोसायटी, कर्वेनगर गल्ली नंबर 1 ते 10, मावळे आळी, वनदेवी टेकडी परिसर, कर्वेनगर गावठाण, आकाशनगर, कॅनॉल रोड परिसर, शाहू कॉलनी, काकडी सिटी, न्यू कोपरे पुनर्वसन, भालेकर वस्ती, दुधाने नगर, भारत कॉलनी, राजाराम पूल परिसर, हिंगणे होम कॉलनी भागात या 2000 लाडक्या बहिणींच्या सहभागाने 30 क मधून ‘तुतारी’च्या पसंती सुप्त लाट सुरू झाली आहे.
