कोथरूड विधानसभा मतदारसंघातील अन्य प्रभागातील लढती लक्षात घेता प्रभाग 11 मधील लढतीचे गांभीर्य लक्षात घेऊन नव्या पिढीच्या तरुण उमेदवारांसाठी भाजपा शहर कार्यकारणी सक्रिय झाली असून कोथरूड विधानसभा मतदारसंघातील या प्रभागात विजय साकार करण्यासाठी सर्वतोपरी प्रयत्न केले जात आहेत. जनसेवेला समर्पित आयुष्य व्यतीत करणाऱ्या संघीय विचारसरणीच्या पॅनलच्या माध्यमातून भारतीय जनता पक्षाकडून नवा पर्याय निर्माण केला आहे. राज्याचे उच्चतंत्र शिक्षण मंत्री चंद्रकांत दादा पाटील यांच्या सूचनेनुसार विधानसभा मतदारसंघातील कार्यकारणी आणि शहर पदाधिकारी व राज्य पदधिकारी या सर्वांना विशेष लक्ष घालण्याचा सल्ला देण्यात आल्याने या प्रभागात संपूर्ण यंत्रणा सक्रिय झाली आहे. प्रभाग 11 मध्ये काम करण्याचा कार्यकारणीचा संदेश येतात केंद्रीय राज्यमंत्री मुरलीधर मोहोळ यांच्या धर्मपत्नी माजी नगरसेविका मोनिका वहिनी मोहोळ व माजी विरोधी पक्ष नेता उज्वल केसकर महाराष्ट्र प्रदेशाध्यक्ष नगर प्रकोष्ठ यांनीही प्रचारात उत्साही सहभाग घेऊन आपले मोलाचे योगदान दिले.
कोथरूड विधानसभा मतदारसंघांमध्ये वेगळ्या ‘धाटणी’च्या राजकारण्याला शह देण्याचा भारतीय जनता पक्षाच्या वतीने दृढ संकल्प करण्यात आला आहे. झोपडपट्टी भागातील लोकांचे जीवनमान उंचावण्यासाठी भारतीय जनता पक्ष या भागात काम करतच आहे परंतु पुणे महापालिकेत संधी मिळाल्यानंतर या भागात सोयी देणे अधिक सोयीचे होणार असल्याने या निवडणुकीमध्ये भारतीय जनता पक्षाचे अधिकृत उमेदवार अभिजीत राऊत, शर्मिला शिंदे, मनीषा बुटाला व अजय मारणे या कार्यकर्त्यांना नगरसेवक करण्यासाठी सर्व यंत्रणा कार्यान्वित करण्यात आली आहे. गेली चार वर्षे घरोघरी दारोदारी तुमची आमची भाजपा सर्वांची! असे सेवाकार्य असल्याने या प्रभागातील वेगळ्या धाटणी पेक्षा जनमानसातील चेहरे मतदारांच्या पसंतीस उतरत आहेत. मितभाषी नेतृत्व अन् दांडगा जनसंपर्क या दोन तत्वांच्या जीवावर या प्रभागात उमेदवारी दिली असल्याने संपूर्ण प्रभागामध्ये जनमताची पसंती वाढत आहे. अभिजीत राऊत, शर्मिला शिंदे, मनीषा बुटाला व अजय मारणे या कार्यकर्त्यांचे कमळ पूर्ण घरोघरी पोहोचवण्यासाठी कार्यकर्ते अहोरात्र झटत आहेत. भाजपच्या वतीने ‘सुखदा’ ‘मानसी’ यासारखे महत्वकांशी प्रकल्प या भागात सुरू केल्याने किष्किंदानगर, सुतारदरा, जय भवानी नगर, रामबाग कॉलनी, म्हातोबानगर भागातील नागरिकांशी भाजपा पदाधिकारी आणि कार्यकर्ते यांचे वेगळे नाते निर्माण झाले आहे. …..दादांची माणसं! म्हणून भारतीय जनता पक्षाच्या अधिकृत उमेदवारांचे घरोघरी आणि रस्त्यावरती उत्साही स्वागत केले जात आहे. प्रचाराला मदत म्हणून उत्स्फूर्तपणे नागरिक ही प्रचार रॅलीमध्ये आणि प्रचार साहित्य वाटप करण्यामध्ये सहभागी होत असल्याने या भागातील विजय सुकर होईल अशी अपेक्षा कार्यकर्त्यांना वाटत आहे.
