कोथरूड विधानसभा मतदारसंघातील वाहतूक कोंडी सोडवण्यासाठी रामबाण मार्ग ठरणारा राजाराम पूल ते दुधाने लॉन्स हा १०० फुटी डीपी रोडच्या ‘मिसिंग लिंक’ जोडण्याचे प्रलंबित काम पूर्णत्वास नेण्यासाठी आज आपल्या पुणे मनपाच्या पथ विभागाचे मुख्य अधिकारी श्री. अनिरुद्ध पावसकर यांच्यासमवेत महत्वपूर्ण बैठक संपन्न झाली. शिवणे ते खराडी कर्वेनगर हद्दीमधील दरम्यान आपल्या प्रभागातील २ किमी रस्त्यामध्ये बाधित आणि मिसिंग लिंक जोडण्यामध्ये ज्यांच्या जमिनी बाधित होत आहेत, त्या शेतकरी बांधवांच्या सोबत सकारात्मक बैठक पार पडली.
पुणे महानगरपालिकेच्या विकासाकडे मध्ये 1986 पासून या रस्त्याची आखणी करण्यात आली होती परंतु सन २०११ पर्यंत हा रस्ता जागेवर अस्तित्वात नव्हता. २०१२ साली प्रथमतः नगरसेवक म्हणून निवडून आल्यानंतर सौ. लक्ष्मी दुधाने यांनी शेतकरी वर्गाला विश्वासात घेऊन २ किमी रस्त्यापैकी सव्वा ते दीड किमी रस्त्याचे काम पूर्ण करून घेतले होते; परंतु गेल्या 3 वर्षांपासून प्रशासनाकडून या रस्त्याचे काम पूर्ण होऊ शकले नाही. प्रशासनाने बाधित शेतकरी वर्गाशी संवाद साधत त्यांच्या अडीअडचणी जाणून घ्याव्यात आणि त्यावर योग्य ती कार्यवाही करणे, हे प्रशासनाचे कर्तव्य आहे. याबाबत लोकप्रतिनिधी या नात्याने प्रशासन आणि सर्वसामान्य नागरिक यांना सहकार्य करण्यासाठी प्रशासनाशी चर्चा करत सरकारी मोजणी, झोनिंग, योग्य मोबदला, बाधित जमिनीच्या मोबदल्याचे प्रलंबित प्रस्तावाबाबत यावेळी चर्चा करण्यात आली. कामांमध्ये दिरंगाई झाल्यास पुढील कामही लवकर न होण्याचा धोका संभवतो, असे स्वप्निल लक्ष्मी देवराम दुधाने अध्यक्ष – कोथरूड विधानसभा मतदारसंघ राष्ट्रवादी काँग्रेस पार्टी – शरदचंद्र पवार पक्ष यांनी सांगत नागरिकांच्या समस्यांचे तातडीने निवारण करण्याची प्रक्रिया करून रस्त्याचे काम पूर्ण करावे, अशी विनंती केली.
यावेळी रस्ताबाधित शेतकरी बांधव – जमीन मालक श्री. विनोद बराटे, श्री. आदित्य बराटे, मांडेकर कुटुंबीय, श्री. दिलीपराव बराटे व कुटुंबीय, श्री. हेमराज चौधरी, श्री. विश्वनाथ बगाटे, श्री जावळकर कुटुंबीय प्रभागातील सहकारी माजी नगरसेवक राजाभाऊ बराटे, सुशील मेंगडे, दत्तात्रय चौधरी तसेच अन्य नागरिकांना आवश्यकता ते सर्वतोपरी सहकार्य करण्याचा शब्द अधिकारी वर्गाकडून देण्यात आला आहे.
