खडकवासला धरणसाखळीच्या पाणलोट क्षेत्रात पावसाने पुन्हा जोर धरला असून, गेल्या चोवीस तासांत टेमघर धरण परिसरात सर्वाधिक १४० मिलिमीटर पावसाची नोंद झाली. त्यामुळे १ जूनपासून टेमघरमध्ये झालेल्या एकूण पावसाने १,५३६ मिलिमीटरचा टप्पा गाठला असून, धरणसाखळीतील पाणीसाठ्यातही वाढ होत आहे. धरण सकाळी ७ वाजता ७३ टक्के भरले आहे. पावसाचे प्रमाण पाहता धरण ८० टक्के अथवा त्याहून अधिक क्षमतेने भरण्याची शक्यता आहे.
पाणलोट क्षेत्रात पावसाचा जोर कायम असल्याने धरणांतील पाणीसाठ्यात आणखी वाढ होण्याची शक्यता आहे. खडकवासला धरण साखळीच्या पाणलोट क्षेत्रात मंगळवारी रात्रीपासून पावसाचा जोर वाढला. टेमघर धरण परिसरात सर्वाधिक १४० मिलिमीटर पाऊस झाला. त्याखालोखाल पानशेत येथे ८० मिलिमीटर, वरसगाव येथे ७९ मिलिमीटर आणि खडकवासला येथे २७ मिलिमीटर पावसाची नोंद झाली. त्यामुळे चारही धरणांत मिळून १,३८० दशलक्ष घनफूट पाण्याची आवक झाली आहे. परिणामी धरण साखळीतील एकूण पाणीसाठा १९.२६ टीएमसी (६६.०८ टक्के) इतका झाला आहे.
या पावसामुळे चारही धरणांत मिळून १,३८० एमसीएफटी पाण्याची आवक झाली. बुधवारी सकाळी सहा वाजता खडकवासला धरणात १.४१ टीएमसी (७१.५६ टक्के), पानशेतमध्ये ७.५६ टीएमसी (७०.९९ टक्के), वरसगावमध्ये ८.४७ टीएमसी (६६.११ टक्के), तर टेमघरमध्ये १.८१ टीएमसी (४८.९१ टक्के) पाणीसाठा नोंदविण्यात आला.चारही धरणांतील एकूण पाणीसाठा १९.२६ टीएमसी (६६.०८ टक्के) झाला असून, गेल्या वर्षी याच दिवशी तो २३.११ टीएमसी (७९.२८ टक्के) होता. खडकवासला धरणाच्या सांडव्यातून आतापर्यंत एकूण १.५१ टीएमसी पाण्याचा विसर्ग करण्यात आला आहे.
शहराला पाणीपुरवठा करणाऱ्या प्रमुख धरणांपैकी पानशेत धरणात समाधानकारक पाणीसाठा जमा होण्यास सुरुवात झाली आहे. हे धरण ६९ टक्के भरले आहे. सध्या पानशेत धरणात ७.२७ टीएमसी इतका पाणीसाठा उपलब्ध झाला आहे. तर पानशेतसह चारही धरणात मिळून आतापर्यंत १८. ३१ टीएमसी इतका पाणीसाठा झाला आहे.
खडकवासला, पानशेत, वरसगाव आणि टेमघर या चार धरणांमधून पुणे शहराला पाणीपुरवठा करण्यात येतो. तसेच शेतीलासुद्धा आवर्तने याच प्रकल्पातून सोडण्यात येतात. त्यामुळे खडकवासला प्रकल्पातील पाणीसाठ्याकडे शहरासह ग्रामीण भागातील नागरिकांचे लक्ष असते. मागील तीन-चार दिवसांपासून या चारही धरणांमध्ये पावसाचा जोर वाढला आहे. त्यामुळे ओढे-नाल्यांमधील पाणी वाढले असून, धरणामध्ये पाण्याची आवक सुद्धा वाढला आहे. मागील २४ तासांत खडकवासला धरणात १९ मिमी, पानशेतमध्ये ८२ मिमी, वरसगावमध्ये ८४ मिमी आणि टेमघर धरणात १२० मिमी इतका पाऊस पडल्याची नोंद झाली आहे. खडकवासला साखळी प्रकल्पात एकूण १८.३१ टीएमसी म्हणजे ६२.८० टक्के पाणीसाठा उपलब्ध आहे.
धरणांतील पाणीसाठ्याची स्थिती
धरण क्षमता (टीएमसी) आजचा साठा (टीएमसी) टक्केवारी पाऊस मिमी. एकूण पाऊस मिमी.
- खडकवासला १.९७ १.२८ ६४.७५ ०९ ४४९
- पानशेत १०.४१ ७.२७ ६८.२५ २२ १,१६१
- वरसगाव १२.८२ ८.०७ ६२.९७ २१ १,१२३
- टेमघर ३.७१ १.६९ ४५.५० ४६ १,४४२
- पवना ८.५१ ७.१५ ८४.०० २२ १,६९१
- भामा आसखेड ७.६७ ६.१० ७९.५९ ०७ ५३२
- वडिवळे १.०७ १.०५ ९८.२९ २० १,३२२
- डिंभे १२.५० ७.२२ ५७.७७ ०० ६२६
- चासकमान ८.५४ ६.८१ ८९.९३ ०७ ५५०
- गुंजवणी ३.६९ २.४६ ६६.६६ २२ १,०६९
- नीरा देवघर ११.७३ ७.८३ ६६.८० ०५ १,००६
- भाटघर २३.५० १३.३८ ५६.९१ ०० ४८२
- वीर ९.४१ ८.३४ ८८.६६ ० २४९
