कोथरूड भागामध्ये नव्याने प्रस्तावित असलेल्या वनाज – चांदणी चौक मेट्रो मार्ग व उड्डाणपूल प्रकल्पामुळे गेल्या दोन महिन्यापासून सुरू असलेल्या जन प्रक्षेपाची दखल घेऊन अतिरिक्त पोलीस आयुक्त मनोज पाटील यांच्यामार्फत आज दुपारी या संपूर्ण प्रकल्पाची पाहणी करण्यात आली असून भविष्यातील वाहतुकीचा विचार करून या प्रकल्पात लक्ष घालण्याचे आश्वासन यावेळी स्थानिक नागरिकांना देण्यात आले.
सध्या प्रस्तावित असलेल्या मेट्रो प्रकल्पामुळे या भागातील वाहतूक कोंडी जटील होण्याची शक्यता असल्याने स्थानिकांचा या प्रकल्पाला प्रचंड विरोध होता. सर्व राजकीय नेत्यांना निवेदना दिलेल्या नंतरही कोणताही ठोस पर्याय निघत नसल्याने स्थानिक नागरिकांनी अतिरिक्त पोलीस आयुक्त मनोज पाटील यांच्याकडे भेट देऊन सविस्तर निवेदन सादर केले. भविष्यात निर्माण होणाऱ्या वाहतूक समस्यांबाबत आज अतिरिक्त पोलीस आयुक्त (वाहतूक) श्री. मनोज पाटील सर यांनी दुपारी २.३० वाजता संबंधित परिसराची प्रत्यक्ष पाहणी केली.
यावेळी त्यांनी वनाज ते चांदणी चौक मेट्रो मार्गावरील सर्व सिग्नल्सची पाहणी केली तसेच उड्डाणपूलाच्या सुरूवातीच्या व उतरणीच्या ठिकाणांची सविस्तर माहिती घेतली. याशिवाय कोथरूड मेट्रो स्टेशन व चांदणी चौक मेट्रो स्टेशन परिसरातील वाहतूक व्यवस्थेचा अभ्यास करून नागरिकांनी मांडलेल्या सूचना व समस्यांची नोंद घेतली. पाहणीनंतर श्री. मनोज पाटील सर यांनी पुढील ८ ते १० दिवसांत संबंधित सर्व बाबींचा अभ्यास करून वाहतूक सुरळीत करण्यासाठी आवश्यक उपाययोजना व योग्य आराखडा तयार करण्याबाबत सकारात्मक आश्वासन दिले.
अतिरिक्त पोलीस आयुक्त मनोज पाटील यांनी या प्रकरणी विशेष लक्ष घातले असून पुन्हा एक बैठक घेऊन पुढील कार्यवाहीबाबत चर्चा करण्यात येणार आहे. या विषयावर सिटिझन्स फोरम (KCF) च्या वतीने केल्या जाणाऱ्या पाठपुराव्याबाबत आयुक्तांच्या वतीने विशेष अभिनंदन करण्यात आले.
