पुणे मेट्रोच्या वतीने रस्त्यावर सुरू करण्यात आलेल्या चांदणी चौक प्रकल्पाच्या प्रत्यक्ष कामाला सुरुवात झाली तरी सुद्धा पुणे वाहतूक पोलिसांशी याबाबत कोणतीही चर्चा न झाल्याची धक्कादायक माहिती कोथरूड सिटीजन फोरमच्या आजच्या बैठकीत उघड झाली. आज मा. मनोज पाटील, अप्पर पोलीस आयुक्त, पुणे यांची भेट घेऊन कोथरूड डेपो ते चांदणी चौक मेट्रो व उड्डाणपूल प्रकल्पाबाबत सविस्तर चर्चा करण्यात आली. या चर्चेदरम्यान, प्रकल्पाच्या कामामुळे भविष्यात नळस्टॉप परिसराप्रमाणे वाहतूक कोंडी होऊ नये. भविष्यात नागरिकांना होणारा त्रास टाळण्यासाठी योग्य नियोजन करणे अत्यावश्यक असल्याचे निदर्शनास आणून देण्यात आले. यासाठी कोथरूड परिसरातील नागरिक एकत्र येऊन प्रशासनाकडे मेट्रो व उड्डाणपूल संदर्भात विविध सूचना व अपेक्षा मांडत आहेत.
मा. मनोज पाटील यांनी कोथरूड सिटीजन फोरमच्या पुढाकार घेऊन एकत्र आले याचे विशेष कौतुक केले. तसेच, सदर प्रकल्पामुळे वाहतूक व्यवस्थेवर होणाऱ्या परिणामांचा आढावा घेण्यासाठी प्रत्यक्ष स्थळ पाहणी करण्यासाठी येणार असल्याचे आश्वासन दिले. या प्रसंगी कोथरूड सिटीजन फोरम तर्फे प्रशांत कनोजिया, राहुल चव्हाण, अमित बोत्रे, विशाल अट्टल, निलेश सैंदाणे तसेच परिसरातील अनेक नागरिक उपस्थित होते.
“विकासाच्या कामांसोबतच वाहतूक सुसूत्रता आणि नागरिकांची सोय यांना प्राधान्य मिळाले पाहिजे. यासाठी नागरिक आणि प्रशासन यांच्यातील समन्वय महत्त्वाचा आहे हे मान्य केले. व इतका महत्त्वाचा प्रकल्प करताना मेट्रो प्रशासनने पुणे ट्रेफिक विभागाशी कोणतीही सुचना व सल्ला घेतला नाही याची खंत त्यांनी यावेळी व्यक्त केली.
