परेल दि. १५ (रामदास धो. गमरे) शिवडी परेल विभागातील सार्वजनिक जयंती उत्सव मंडळ यांच्या विद्यमाने सालाबादप्रमाणे याही वर्षी विश्वरत्न डॉ. बाबासाहेब आंबेडकर यांचा १३५ वा जयंती महोत्सव विनोद सोनावणे यांच्या अध्यक्षतेखाली १३ एप्रिल ते १५ एप्रिल या कालावधीत मोठ्या उत्साहात संपन्न झाला. सदर प्रसंगी मनोरंजना बरोबरच प्रबोधनात्मक कार्यक्रमाची ही रेलचेल होती, मुलांकरता निबंध स्पर्धा, वकृत्व स्पर्धा, नृत्य स्पर्धा बरोबर फटाक्यांची आतषबाजी करण्यात आली जो परेल विभागात चांगलाच दुमदुमत होता, दिनांक १४ एप्रिल रोजी प्रबोधनात्मक विषयावर मान्यवरांची भाषण झाली आणि तद्नंतर जागर संविधानाचा हा नाट्यप्रयोग सादर करण्यात आला. त्यावेळी विभागातील जनतेने मोठा प्रतिसाद दिला कार्यक्रमाचे प्रास्ताविक व सूत्रसंचालन सत्यवान गायकवाड यांनी आपल्या पहाडी आवाजात व लाघवी भाषाशैलीत केले. त्याचप्रमाणे मिलिंद जाधव यांचा ऑर्केस्ट्रा लोकांची मने जिंकून गेला. विनायक भंडारी, शहाजी मगरे, सचिन ओव्हाळे, प्रदीप जाधव , अशोक कदम, गणेश रुके, सुरेश गायकवाड, तुळशीराम जाधव, अनिल मागाडे, राहुल कदम, दीपक मोहिते, सिद्धार्थ कासारे, वसंत उबाळे, रामचंद्र वाघमारे, शहाजी वाघमारे, जयप्रकाश सोनावणे, अशोक सोनावणे, मंदा भंडारे, वंदना सुर्वे, सुवर्ण उबाळे, सुंदर गायकवाड, सविता गायकवाड, सिंधू उबाळे
अनिता माने आदी मान्यवरांनी हा कार्यक्रम यशस्वी करण्याकरता मोठे परिश्रम घेतले त्याचबरोबर युवकांनी, महिलांनी देखील हा कार्यक्रम यशस्वी करण्याकरता जयंती उत्सव मंडळाला चांगल्या प्रकारच सहकार्य केलं आणि १३ एप्रिल ते १५ एप्रिल या कालावधीत मोठ्या धूमधडाक्यात साजरा झाला, सचिव उबाळे यांनी या कार्यक्रमाकरिता अभूतपूर्व असे परिश्रम घेणाऱ्या सर्वच कार्यकर्त्यांचे, देणगीदारांचे, स्थानिक रहिवाशांचे, युवकांचे, महिलांचे आभार मानून कार्यक्रमाची सांगता केली.
