कट्टर हिंदुत्ववादी विचारसरणीचा मतदार संघ कोथरूड! या विधानसभा मतदारसंघातील सर्वच प्रभागांमध्ये हिंदुत्ववादी विचारांची प्रखर धारणा असलेल्या नागरिकांचा भाग म्हणून संपूर्णपणे शहरात या मतदारसंघाचे वेगळे महत्त्व आहे. संपूर्ण पुणे शहरात जातीय दंगलीचा इतिहास असला तरी सुद्धा कोथरूड मतदारसंघांमध्ये आजपर्यंत कोणत्याही जातीय दंगलीचा उल्लेख होत नसतानाही कर्वेनगरच्या प्रभाग 30 मध्ये मात्र अनाधिकृत फलकामुळे हिंदुत्ववादी विचारसरणीच्या दोन गटात तणाव निर्माण होण्याची शक्यता निर्माण झाली आहे. मुळात यामागे कारण म्हणजे अनाधिकृतपणे स्वराज्याच्या शिलेदारांच्या समोर लावण्यात आलेले जातीयवादी फलक हे आहे. या भागात फलक लावण्याबद्दल कोणतीही तणावाची स्थिती निर्माण झाली नसती परंतु हे फलक लावताना डॉ.बाबासाहेब आंबेडकर यांच्या धर्मपत्नी माता रमाई यांचे फोटो संबंधित फलकांवर लावण्यात आल्याने अनावधानाने सुद्धा सहज विटंबना होण्याची शक्यता नाकारता येत नाही. मुळात संबंधित फलक लावताना विद्यमान नगरसेवक राजाभाऊ बराटे यांच्या वतीने उभे करण्यात आलेल्या स्वराज्याच्या शिलेदारांच्या समोरच संबंधित अनाधिकृत फलक लावण्यात आल्याने जातीय रंग चढण्यास सुरुवात झाली आहे.
कोथरूड विधानसभा मतदारसंघांमध्ये तिथीनुसार 6 मार्च रोजी मोठ्या प्रमाणात शिवजयंती उत्सव साजरा केला जातो. या चौकाच्या लगतच भव्य दिव्य शिवजयंती महोत्सवाचे नियोजन करण्यात आले असून तत्सम जाहिराती या परिसरामध्ये झळकत आहेत. या आनंद उत्सवाच्या काळामध्ये अनावधानाने माता रमाई यांच्या अनधिकृत फलकावर लावण्यात आलेली प्रतिमा विटंबित होण्याची शक्यता आहे. या शिवजयंतीच्या निमित्ताने परिसरातील सर्व स्वराज्याच्या शिलेदारांवर पुष्पवृष्टी पुष्पहार अर्पण असे विविध कार्यक्रम करताना केले जात असतात. त्यातच प्रथम क्रमांकाच्या स्वराज्याच्या शिलेदाराच्या समोरच अनधिकृतपणे माता रमाई यांचा फलक लावण्यात आल्याने शिवप्रेमी नाराज झालेले आहेत. पुणे महापालिका प्रशासनाच्या वतीने योग्य कारवाई न केल्यास शिवप्रेमींच्या तप्त भावना यावरती उपाय शोधल्याशिवाय राहणार नाहीत. दोन समाज बांधव आपापसात समोरासमोर आल्यास कर्वेनगर मध्ये शांतता भंग होण्याची भीती निर्माण झाली आहे.
भारतरत्न महर्षी धोंडो केशव कर्वे यांच्या पदस्पर्शाने पावन झालेल्या कर्वेनगर च्या पुण्यभूमीमध्ये पुणे महापालिकेतर्फे स्वराज्याचे शिलेदार या अनुषंगाने सरदारांची पूर्णाकृती पुतळे दुभाजकांच्या मध्यभागी बसवण्यात आले आहेत. या स्वराज्यांच्या शिलेदारांची देखभाल करण्याचे काम तत्सम विचारसरणीची लोक आजपर्यंत करत आले आहेत नुकत्याच पार पडलेल्या शिवजयंतीच्या निमित्ताने सुद्धा या भागातील शिवप्रेमींनी या स्वराज्याच्या शिलेदारांची रंगरंगोटी करण्याचे काम केले होते. मुळात हा संपूर्ण परिसर शिवप्रेमी नागरिकांसाठी आद्य वंदनीय असताना या भागामध्ये मध्यरात्रीचा फायदा घेऊन काही दलित बांधवांच्या वतीने शेजारीच असलेल्या मान्यताप्राप्त चौकाच्या बाजूला अनाधिकृतपणे माता रमाई आंबेडकर चौक असे फलक लावण्यात आले. कोणत्याही राष्ट्रपुरुषांच्या नावाचे फलक लावण्यासाठी पुणे महापालिकेची अधिकृत परवानगी घेणे आवश्यक असताना कोणत्याही नियमांची अंमलबजावणी न करता अनाधिकृतपणे अशा प्रकारचे फलक या परिसरात लावण्यात आलेले आहेत. पुणे महापालिकेच्या प्रशासनाला मागील दोन आठवड्यापासून पाठपुरावा केला जात असतानाही याबाबत कोणतेही ठोस निर्णय होत नसल्याने आजही संबंधित माता रमाई चा फोटो दुर्लक्षित पडला असून विटंबनेचा धोका गंभीर आहे.
मुळात सत्ताधारी व विरोधक दोन्हीही लोकप्रतिनिधी याबाबत कोणतीही ठोस भूमिका घेणे शक्य नाही; लोकप्रतिनिधी या नात्याने कोणत्याही एका समाजाची भूमिका घेणे अडचणीचे असल्याने याबाबत पुणे महापालिका प्रशासनाने योग्य निर्णय घेण्याची गरज असल्याची मागणी परिसरातील शिवप्रेमींनी केली आहे. पुणे महापालिकेला संबंधित फलकाबाबत कल्पना देण्यात आले नंतर ही याबाबत तातडीने कारवाई होणे अपेक्षित होते परंतु दिलासादायक हालचाली होत नसल्याने प्रशासनाबाबत स्थानिकांच्या मनात तीव्र नाराजी आहे. पुणे महापालिकेच्या वतीने प्रशासकीय काळामध्ये आंबेडकर चौकात मोठा गाजावाजा करत अतिक्रमण कारवाई करण्यात आली परंतु आज पुन्हा परिस्थिती जैसे थे झाली असून यापेक्षा अधिक म्हणजे अनाधिकृत फलकांची भर पडल्याने पुणे महापालिका प्रशासन कोणती कारवाई करणार हा कुतूहलाचा विषय निर्माण झाला आहे.
याबाबत पुणे महापालिका सहाय्यक आयुक्त यांच्याशी संपर्क साधल्यानंतर पुणे महापालिकेच्या विधी विभागाशी व पथविभागाशी पत्रव्यवहार करण्यात आला असून पुढील कार्यवाही लवकर करण्यात येईल अशी सांगण्यात आले आहे.
