अजित पवार यांच्या अपघाती निधनानंतर झालेल्या जिल्हा परिषद आणि पंचायत समिती निवडणुकीत राष्ट्रवादी काँग्रेसला मोठं यश मिळताना दिसत आहे. जिल्हा परिषद आणि पंचायत समितीत दोन्ही ठिकाणी राष्ट्रवादी काँग्रेसनं बहुमताचा आकडा ओलांडला आहे. या निवडणुकीत दोन्ही राष्ट्रवादी काँग्रेस एकत्र लढले होते. आज निवडणुकीची मतमोजणी सुरू असून राष्ट्रवादी काँग्रेसने मठी आघाडी मिळवल्याचं समोर आलंय. तर भाजपचे उमेदवार आघाडीबाबत दुसऱ्या क्रमांकावर आहेत.
राष्ट्रवादी काँग्रेसचे 46 उमेदवार जिल्हा परिषदेच्या निवडणुकीत आघाडीवर आहेत तर 24 जागांवर भाजप उमेदवारांनी आघाडी घेतली आहे. पंचायत समितीच्या १४६ जागांसाठी मतदान झालं होतं. यात राष्ट्रवादी काँग्रेस ७२ जागांवर तर भाजप ४८ जागी आघाडीवर आहे.
शिरूर ग्रामीण – न्हावरे गट
मालती पाचर्णे – (भाजप) विजयी
शिरूर ग्रामीण गण
स्वाती घावटे (राष्ट्रवादी ) विजयी
न्हावरे गण
दीपक कोकडे (राष्ट्रवादी ) विजयी
शिरूर हवेलीचे राष्ट्रवादी काँग्रेस पार्टीचे माजी आमदार अशोक पवार यांच्या पत्नी सुजाता पवार यासुद्धा मैदानात उतरल्या होत्या. सुजाता पवार या विजयी झाल्या आहेत.
