या मागणीस सर्वात्मक महारुद्र परिवार ट्रस्ट, राष्ट्रीय महाकाल सेना, सनातन सेना भारत, कालिदास धाम हरियाणा, मराठी रंगभूमी निर्माता महासंघ आणि बालगंधर्व परिवार ट्रस्ट यांचा सक्रिय सहभाग व पाठिंबा आहे. हिंदू देवी-देवतांच्या गाण्यांवर तसेच यात्रा-जत्रांच्या नावाखाली होणाऱ्या अश्लील नृत्य व डीजे डान्स कार्यक्रमांना आळा घालावा, अशी ठाम मागणी पुणे श्रमिक पत्रकार भवन येथे झालेल्या पत्रकार परिषदेत करण्यात आली.
आमचा विरोध कलाकार, संगीत किंवा डीजे साऊंडला नाही; तर अश्लीलता, महिला कलाकारांचे वस्तुकरण व शोषण आणि कायदा-सुव्यवस्थेला धोका निर्माण करणाऱ्या प्रकारांना आहे.
या पत्रकार परिषदेस अखिल भारतीय मराठी चित्रपट महामंडळाचे अध्यक्ष मेघराज राजेभोसले, अभिनेत्री व सामाजिक कार्यकर्त्या टीना शर्मा घेवारे, सर्वात्मक महारुद्र परिवार ट्रस्ट व राष्ट्रीय महाकाल सेना पुणे जिल्हाध्यक्ष प्रकाश भाऊ शिंदे, सनातन सेना भारतचे प्रतिनिधी, कालिदास धाम हरियाणा चे पदाधिकारी, मनसे पुणे शहर सचिव सोनाली पोकळे, दिशा फाउंडेशनच्या अर्चना चंदनशिवे, तसेच मराठी रंगभूमी निर्माता महासंघ व बालगंधर्व परिवार ट्रस्टचे पदाधिकारी व सदस्य उपस्थित होते.
या मागणीला सहकलाकार पूनम डांगे, स्वाती महाडिक, नंदिनी पूणेकर, अजिंक्य झाबरे, कुणाल वैद्य, राधिका औताडे, वृषाली सातपुते, आरोही पाटील, सपना कवडे, चंद्रकांत पवार, उमेश मुळशीकर व भारती मोरे यांनीही ठाम पाठिंबा दिला.
शासनाने अशा कार्यक्रमांची कायदेशीर चौकशी करून नियमानुसार कठोर कारवाई करावी, पारंपरिक कलाकारांना प्रोत्साहन द्यावे आणि महाराष्ट्राची लोककला, संस्कृती व धार्मिक श्रद्धेचे संरक्षण करावे.
ही मागणी दुर्लक्षित झाल्यास लोकशाही मार्गाने व्यापक जनजागृती व आंदोलन उभे केले जाईल, याची शासनाने नोंद घ्यावी. संस्कृतीचा सन्मान — अश्लीलतेला विरोध!श्रद्धा जपा संस्कृती जपा महाराष्ट्र जपा! अशी सर्वात्मक महारुद्र परिवार ट्रस्टची मागणी आहे.
