कोथरूड विधानसभा मतदारसंघ भारतीय जनता पक्षाचा बालेकिल्ला घरोघरी दारोदारी आणि मनोमनी फक्त कमळ आणि कमळ असतानाच प्रभाग 11 मधील गणिते मात्र भारतीय जनता पक्षाला यश देत नसताना यंदा मात्र केंद्रीय राज्यमंत्री मुरलीधर मोहोळ व महाराष्ट्र राज्याचे उत्तर उच्चतंत्र शिक्षण मंत्री चंद्रकांतदादा पाटील या ‘धुरंदर’ नेत्यांनी युवा चेहरा मैदानात उतरवून ‘भाजपा तुमची आमची तयारी अभी’जीत’ची! अशी प्रेरक उद्घोषणा दिली आहे. 
केळेवाडी, राजमाता जिजाऊनगर आणि रामबाग कॉलनी परिसरातील भारतीय जनता पक्षाची प्रचार यंत्रणा सक्रिय झाली असून या भागातील दिवास्वप्न दाखवणाऱ्या बाहुबली नेत्यांचा करेक्ट कार्यक्रम करण्याचा बेत भाजपच्या वतीने आखण्यात आला आहे. कोणताही राजकीय वारसा नसलेला 2007 पासून भारतीय जनता पार्टीत सक्रिय भाजपा युवा मोर्चा महाराष्ट्र सचिव अभिजित भागवत राऊत नावाचं मास्टर कार्ड वापरून तुमची आमची भाजपा सर्वांची तयारी अभिजीतची अशी सूक्ष्म दिव्य नियोजन करण्यात आले आहे. केंद्रीय राज्यमंत्री मुरलीधर मोहोळ आणि उच्चतंत्र शिक्षण मंत्री चंद्रकांतदादा पाटील यांचे या प्रभागातील प्रचार यंत्रणेवर बारीक लक्ष असून संपूर्ण कोथरूड विधानसभा मतदारसंघाची यंत्रणा या प्रभागांमध्ये सक्रिय झाली आहे.
कोथरूड विधानसभा मतदारसंघातील प्रभाग 11 या आजपर्यंत ताब्यात न आलेल्या प्रभागात भारतीय जनता पक्षाचे कमळ फुलवायचं हा दृढ निश्चय कार्यकर्त्यांनी केला असून गेली चार वर्षे पासून या प्रभागात भारतीय जनता पक्षांची सूक्ष्म बांधणी सुरू आहे. प्रभागातील घराघरात भारतीय जनता पक्षाचे कार्य पोहोचले असून बाहुबली राजकारणाचा करेक्ट कार्यक्रम हे भारतीय जनता पक्षाचे उद्दिष्ट असून अहोरात्र प्रचार यंत्रणा यामध्ये गुंतलेली आहे. प्रभागात नागरिकांपर्यंत पोचलेला संपर्क आणि चंद्रकांतदादा पाटील यांचा ‘स्नेह’ दृढ बनवत समाजाभिमुख कार्यकर्ता अभिजित भागवत राऊत यांना विजयी करण्यासाठी कार्यकारणी सक्रिय झाली आहे. प्रभाग 11 मधील सर्वसामान्य नागरिकांचे आयुष्य सुखकर करण्यासाठी, समाजकारणासाठी सत्ताकारण महत्त्वाचे पुणे महापालिकेचे मैदान विजयी करण्याचा भारतीय जनता पक्षाचा मानस असून प्रभागातील प्रादेशिक जातीय व जनसंपर्कातील चेहऱ्यांना प्राधान्य देत भारतीय जनता पक्षाने योग्य आखणी केली आहे. प्रभागातील वडीलधारी, तरुण, लाडक्या बहिणी यांच्या मनात राष्ट्रीय लोकनेते, देशाचे पंतप्रधान मा. नरेंद्रजी मोदी साहेब यांच्या विषयी असलेल्या प्रचंड प्रेम आणि जिव्हाळ्याच्या जीवावर राजगड, भोर, मुळशीचा सुपुत्र अभिजित भागवत राऊत यांच्या साथीला अनुभवी युवा कार्यकर्ता अजय मारणे, प्रतिष्ठित, निष्ठावान आणि चंद्रकांतदादा पाटील यांचे निष्ठित डॉ. संदीप बुटाला यांच्या धर्मपत्नी मनीषा बुटाला, केंद्रीय राज्यमंत्री मुरलीधर मोहोळ यांचा सच्चा कार्यकर्ता नितीन शिंदे यांची पत्नी शर्मिला शिंदे यांची पॅनल मध्ये निवड करण्यात आल्यामुळे प्रभागातील भारतीय जनता पक्षाची बाजू उजवी झाली आहे.
पुणे महानगरपालिकेच्या निवडणुकीमध्ये प्रभाग क्रं. 11 रामबाग कॉलनी- शिवतीर्थ नगर या प्रभागात भारतीय जनता पक्षाच्या वतीने नव्या चेहऱ्यांना संधी देत बाहुबली राजकारणावर विजय मिळवण्याचा संकल्प केला असला तरी सुद्धा प्रतिष्ठा मात्र सर्व वरिष्ठ नेत्यांची लागली आहे. या प्रभागात काम करत असलेल्या यंत्रणा यांचे नियोजन पाहिल्यास संपूर्ण पुणे शहरात भारतीय जनता पक्षाचे ‘परफेक्ट नियोजन आणि करेक्ट कार्यक्रम’ संपूर्ण पुणे शहरासाठी एक दाखला तयार होणार आहे. कोणताही गाजावाजा न करता भारतीय जनता पक्षाच्या वतीने फक्त आणि फक्त विजयाची गणिते जुळवण्याचे काम केले जात आहे.
