वारजे माळवाडी तत्त्वनिष्ठ मतदारांचा भाग म्हणून या परिसराची ओळख परंतु मतदारांच्या मतकौलाला काळीमा फासत राजगादी साठी राजद्रोह करणाऱ्या लोकांचा ‘करेक्ट’ कार्यक्रम करण्याचा संकल्प तत्त्वनिष्ठ मतदारांनी केला असून एकनिष्ठ पॅनल हा पर्याय त्यांच्या पसंतीस उतरत आहे. महाराष्ट्र नवनिर्माण सेनेच्या निष्ठावानाचे पॅनल म्हणून जनमतासाठी घरोघरी जाणारे अधिकृत उमेदवार भाग्यश्री दांगट, केशर सोनवणे, गणेश धुमाळ, रियाज शेख यांना काल दिवसभर उरिटनगर, सोबापुरम, मोतीराम नगर आणि हायवे परिसर नागरिकांचा रेल्वे इंजिन चिन्हाला मिळत असलेला उदंड प्रतिसाद प्रचिती देत आहे.
वारजे माळवाडी परिसराने कायम ‘विकासगंगा’ अविरत सुरू राहण्यासाठी ज्या घरामध्ये 20 20 वर्षे सत्ता दिली. निष्क्रियतेचा जनक्षोभ जन्म घेत असतानाच सत्ता हेच अंतिम ध्येय या एकमेव उद्दिष्टाने सर्वाधिक ‘कोलांटउडी’ सर्वच उमेदवारांनी आपले तत्व आणि निष्ठा याला तिलांजली देण्याचं काम केलं आहे. वारजे-पॉप्युलरनगर प्रभागात निर्माण झालेल्या निंदनीय दलदलीमध्ये कायम एकनिष्ठ राहिलेले मनसैनिकांचे माजी नगरसेविका भाग्यश्री कैलास दांगट यांनी या जनमताचा आदर करण्यासाठी रणांगणात उतरण्याचे काम केले. महाराष्ट्र नवनिर्माण सेना पक्षप्रमुख राज साहेब ठाकरे यांच्या आदेशानुसार या प्रभागामध्ये भाग्यश्री ताई नावाची वाघीण सक्रिय झाली असून त्यांच्या नेतृत्वात प्रभाग 32: वारजे-पॉप्युलरनगर प्रभागामध्ये महाराष्ट्र नवनिर्माण सेनेच्या निष्ठावानाचे पॅनल म्हणून जनमतासाठी घरोघरी जाणारे अधिकृत उमेदवार भाग्यश्री दांगट, केशर सोनवणे, गणेश धुमाळ, रियाज शेख यांनीही विजयी ‘एल्गार’ साध्य करायचं असा दृढ संकल्प केला आहे.
खडकवासला विधानसभा मतदारसंघाचे प्रथम आमदार स्वर्गीय रमेशभाऊ वांजळे यांच्या विचाराची जपणूक करत आजपर्यंत या भागात मनसैनिक सक्रिय आहेत. स्वर्गीय रमेशभाऊ वांजळे यांच्या विषयी असलेला जिव्हाळा आणि आपुलकी एकनिष्ठ महाराष्ट्र नवनिर्माण सेनेचे उमेदवार यांना प्रचिती जागोजागी येत आहे. राजसाहेब ठाकरे यांच्या विचाराशी कायम एकनिष्ठ ही अभिमानाची बिरुदावली फक्त मनसे उमेदवारांकडे असल्याने तत्त्वनिष्ठ मतदारांच्या पसंतीत बदल झाला असून संपूर्ण वारजे माळवाडी परिसरामध्ये निवडणुकीचे वारे बदलतेय! अशी चर्चा सुरू झाली आहे. महाराष्ट्र धर्मासाठी ठाकरे बंधूंनी एकत्र येत निष्ठेचे बनवलेलेनवे समीकरणही नागरिकांसाठी उत्साही असून वारजे शिवणे परिसरात शिवसैनिक व मनसैनिक ‘शिवयुती’च्या सर्वच कार्यकर्त्यांना यंदा करेक्ट कार्यक्रम पक्का याची जाणीव होत आहे. एकनिष्ठांचा विजय करण्यासाठी कार्यकर्ते सक्रिय झाले असून वाढता जनप्रतिसाद आता या प्रभागात रेल्वे इंजिन विजयी होण्याचा विश्वास निर्माण झाला आहे.
