गुहागर दि. ३१ (रामदास धो. गमरे) बौद्धजन सहकारी संघ, ता. गुहागर, जिल्हा रत्नागिरीचे माजी कार्याध्यक्ष आणि बौद्धजन मागासवर्गीय नागरी सहकारी पतसंस्था मर्या. गुहागर चे विद्यमान संचालक, आंबेडकरी चळवळीतील निष्ठावान कार्यकर्ते विश्वनाथ बाबू कदम (पाटपन्हाळे कदमवाडी) यांचे वडील बाबू भागूराम कदम यांचे वयाच्या ८० व्या वर्षी अल्पशा आजाराने दुःखद निधन झाले.
दिवंगत बाबू कदम यांच्या अंत्ययात्रेला बौद्धजन सहकारी संघाचे मुंबई व गावं कमिटीचे आजी-माजी विश्वस्त मंडळ, मध्यवर्ती कमिटी, विभाग कमिटी यांचे पदाधिकारी, सभासद, कार्यकर्ते, बौद्धजन मागासवर्गीय नागरी सहकारी पतसंस्था मर्या. चे संचालक मंडळ, पदाधिकारी व समाजातील सर्वच स्तरातील जनसमुदाय मोठ्या संख्येने उपस्थित होते. दिवंगत बाबू कदम सोज्वळ, मित व मृदूभाषी असून प्रेमळ व मनमिळाऊ स्वभावाचे होते त्यांच्या अचानक जाण्याने समाजात हळहळ व्यक्त करण्यात येत आहे, त्यांच्या पश्चात पत्नी, दोन मुले, सुना, नातवंडे, भाऊ, भावजय, पुतणे असा मोठा परिवार आहे.
दिवंगत बाबू कदम यांचा पुण्यानुमोदन व शोकसभेचा कार्यक्रम रविवारी २ फेब्रुवारी २०२५ रोजी सकाळी ठीक १०:०० वाजता त्यांच्या राहत्या घरी मौजे पाटपन्हाळे (कदमवाडी) येथे बौद्धजन सहकारी संघ, पाटपन्हाळे, शाखा क्र. चे अध्यक्ष प्रवीण रामचंद्र कदम यांच्या अध्यक्षतेखाली आयोजित करण्यात आला आहे, तरी सर्वांनी आवर्जून हजर राहून आदर्शांस भावपूर्ण श्रद्धांजली अर्पण करावी असे आवाहन संघाच्या वतीने काढण्यात आलेल्या परिपत्रकात केले आहे.
