शनिवार दि. 1 मार्च आणि रविवार दि. 2 मार्च 2025 रोजी छत्रपती संभाजी महाराज क्रीडांगण, बावधन, एल. एम. डी. चौक, पुणे येथे आयोजित बावधन-कोथरूड सांस्कृतिक महोत्सव 2025 मोठ्या उत्साहात आणि भव्य स्वरूपात संपन्न झाला. महाराष्ट्राच्या समृद्ध सांस्कृतिक वारशाचा गौरव करणाऱ्या या महोत्सवाचे उद्घाटन महाराष्ट्र राज्याचे महसूल मंत्री ना. चंद्रशेखर बावनकुळे यांच्या हस्ते झाले, तर समारोप मा. खासदार सौ. सुनेत्राताई अजितदादा पवार आणि पुणे महानगर संघचालक श्री. रविंद्रजी वंजारवाडकर यांच्या प्रमुख उपस्थितीत पार पडला.
ना. चंद्रशेखर बावनकुळे यांनी बोलताना सांगितले की, “दिलीप वेडेपाटील हे केवळ नावापुरते लोकप्रतिनिधी नाहीत, तर खऱ्या अर्थाने जनतेच्या प्रश्नांसाठी लढणारे आणि समाजहितासाठी झटणारे नेतृत्व आहेत. त्यांनी बावधन-कोथरूड परिसराच्या विकासासाठी अनेक महत्त्वपूर्ण उपक्रम राबवले आहेत. पाणीपुरवठा, वाहतूक व्यवस्था, आरोग्य सेवा, ज्येष्ठ नागरिक व महिलांसाठी आवश्यक सुविधा यावर त्यांनी विशेष लक्ष केंद्रित केले आहे.
त्यांच्या नेतृत्वाखाली बावधन-कोथरूड सांस्कृतिक महोत्सव हा केवळ मनोरंजनासाठी नव्हे, तर कला, साहित्य, संगीत आणि विचारांना चालना देणारा एक भव्य उपक्रम ठरला आहे. त्यांनी नवोदित कलाकारांना संधी दिली, सामाजिक क्षेत्रात कार्य करणाऱ्या व्यक्तींचा सन्मान केला आणि या महोत्सवाच्या माध्यमातून महाराष्ट्राच्या संस्कृतीला अधिक बळ दिले. दिलीप वेडेपाटील यांच्या समाजकार्याची हीच ऊर्जा पुढेही कायम राहो आणि ते यापुढेही जनसेवेसाठी कार्यरत राहोत, हीच मनःपूर्वक शुभेच्छा!
बावधन-कोथरूड भूषण पुरस्कार प्रदान
महोत्सवात ‘बावधन-कोथरूड भूषण पुरस्कार’ प्रदान करण्यात आला. ना. चंद्रशेखर बावनकुळे, खासदार सौ. सुनेत्राताई अजितदादा पवार, सरसंघचालक रवींद्रजी वंजारवाडकर, खासदार मेधाताई कुलकर्णी, तसेच मा. नगरसेविका सौ. मोनिकाताई मुरलीधर अण्णा मोहळ यांच्या उपस्थितीत विविध क्षेत्रातील मान्यवरांचा सन्मान करण्यात आला.
यामध्ये –
ज्येष्ठ पत्रकार भाऊ तोरसेकर
सुप्रसिद्ध सिनेअभिनेते प्रवीण तरडे
तालयोगी तबलावादक पं. सुरेश तळवलकर
महाराष्ट्र केसरी पै. पृथ्वीराज मोहळ
ज्येष्ठ साहित्यिक सदानंद मोरे
पुरस्कार स्वीकारताना भाऊ तोरसेकर आणि प्रवीण तरडे यांनी महोत्सवाच्या भव्य आयोजनाचे विशेष कौतुक केले.
भाऊ तोरसेकर यांचे मनोगत
“हा पुरस्कार केवळ माझ्या वैयक्तिक कार्याचा नव्हे, तर सत्य पत्रकारितेचा आणि निर्भीड विचार मांडणाऱ्या प्रत्येक पत्रकाराचा सन्मान आहे. पत्रकारिता ही केवळ बातम्या देण्याचे माध्यम नसून, समाजातील सत्य परिस्थिती लोकांसमोर मांडण्याची जबाबदारी आहे. मी आजवर ही जबाबदारी प्रामाणिकपणे पार पाडण्याचा प्रयत्न केला आणि भविष्यातही करत राहीन. बावधन-कोथरूड सांस्कृतिक महोत्सव हा केवळ मनोरंजनापुरता मर्यादित न राहता, तो कलेला, साहित्याला, क्रीडेला आणि विचारांना चालना देणारा मंच आहे. अशा उपक्रमांनी महाराष्ट्राच्या सांस्कृतिक वैभवाला अधिक बळ मिळते. आयोजक दिलीप वेडेपाटील आणि त्यांच्या सहकाऱ्यांचे मनःपूर्वक अभिनंदन. हा महोत्सव भविष्यात अधिक भव्य होवो, हीच शुभेच्छा!”
प्रवीण तरडे यांचे गौरवोद्गार
*”बावधन-कोथरूड भूषण पुरस्कार मिळाल्याचा मला अत्यंत अभिमान वाटतो. हा पुरस्कार केवळ माझ्या चित्रपटांमधून महाराष्ट्राच्या मातीतून येणाऱ्या संघर्षाचे आणि संस्कृतीचे दर्शन घडवण्याच्या प्रयत्नांचा सन्मान आहे. मी नेहमीच समाजातील खऱ्या नायकांची गोष्ट सांगण्याचा प्रयत्न केला आहे, आणि आज अशा प्रतिष्ठित मंचावर माझा सन्मान होत असल्याने माझ्या जबाबदारीची जाणीव आणखी वाढली आहे.
हा महोत्सव म्हणजे केवळ मनोरंजन नव्हे, तर महाराष्ट्राच्या अस्मितेचे आणि सांस्कृतिक वारशाचे एक मोठे व्यासपीठ आहे. अशा उपक्रमांमुळे आपली कला आणि संस्कृती पुढे जाते, आणि याचे संपूर्ण श्रेय दिलीप वेडेपाटील यांना आणि त्यांच्या संपूर्ण टीमला जाते. त्यांनी हा महोत्सव इतक्या भव्य प्रमाणावर आयोजित करून, विविध क्षेत्रांतील मान्यवरांचा सन्मान केला, याबद्दल त्यांचे विशेष अभिनंदन आणि आभार. महाराष्ट्राच्या संस्कृतीला उन्नत करणाऱ्या या महोत्सवाला भविष्यात आणखी मोठे यश मिळो, हीच मा
झ्या मनःपूर्वक शुभेच्छा!”*महोत्सवात मधुवंती बोरगावकर, जसराज जोशी, जयदीप वैध, विदूषी शिल्पा पुणतांबेकर, सावणी दातार कुलकर्णी आणि पं. जसराज अभ्यंकर यांच्या सुरेल गायनाने रसिक मंत्रमुग्ध झाले. तसेच, चर्चासत्रात संगीत, साहित्य आणि समाज यावर विचारमंथन करण्यात आले. संयोजक दिलीप वेडेपाटील यांनी उपस्थितांचे आभार मानले आणि सांगितले की, “हा महोत्सव महाराष्ट्राच्या सांस्कृतिक समृद्धीचे प्रतीक आहे. कलेच्या आणि सामाजिक जाणीवेच्या माध्यमातून लोकांना एकत्र आणणे, हेच या महोत्सवाचे उद्दिष्ट आहे. विशेष म्हणजे, हा महोत्सव यंदा पहिल्यांदाच आयोजित केला गेला असून, यापुढे दरवर्षी अधिक मोठ्या प्रमाणावर तो साजरा केला जाईल.”
महोत्सवाच्या आयोजनात चेलाराम हॉस्पिटल, आर्यन ग्रुप ऑफ कंपनीज, सुराणा संघवी कन्स्ट्रक्शन्स, वाईस कंस्ट्रक्शन, न्याती कन्स्ट्रक्शन्स आणि के पुणे यांचा मोलाचा सहभाग होता. या भव्य सोहळ्याला भाजपा प्रदेश महामंत्री राजेशजी पांडे, खासदार मेधाताई कुलकर्णी, आमदार विक्रांत पाटील, आमदार शंकरभाऊ मांडेकर, तसेच ज्येष्ठ पत्रकार, साहित्यिक, कलाकार आणि नागरिक मोठ्या संख्येने उपस्थित होते.
