मुंबई दि. २३ (रामदास धो. गमरे) जंतर मंतर येथे NEET पेपर लिक विरोधात विद्यार्थ्यांनी पुकारलेल्या आंदोलनाला चिरडून काढण्यासाठी केंद्र सरकारने साम दाम दंड भेद पद्धतीने वेळप्रसंगी बॅच नसलेले, पायात पोलिस शूज नसलेले बोगस पोलिस घुसवून, काठ्याना खिळे, कुंपणाची तार लावून विद्यार्थ्यांना अमानुष मारहाण केली, अश्रू धुराच्या नळकांड्या फोडल्या, स्वतः दगडफेक करून शांततेच्या आंदोलनाला हिंसक वळण दिले, आंदोलन कर्त्यांना विश्वासात घेऊन किंवा त्यांच्याशी कोणतीही चर्चा न करता अक्षरशः विद्यार्थ्यांना जीव जाईल इतकी मारहाण करीत हुकूमशाही पद्धतीने आंदोलन दडपण्याचा प्रयत्न केला त्याच्या निषेधार्थ वंचित बहुजन आघाडीने सर्वच राजकीय पक्षांना, सामाजिक संघटनांना आवाहन करून महाराष्ट्र बंदची हाक दिली त्याला साथ देण्यासाठी नायगाव शिवडी विभागातील वंचित बहुजन आघाडीच्या तमाम कार्यकर्त्यांनी रस्त्यावर उतरून भोईवाडा परिसर ते हिंदमाता, दादर, नायगाव संपूर्ण परिसरात लोकांना विनंती करून बंद करण्याचे आवाहन दिले लोकांनी त्याला उस्फुर्त असा प्रतिसाद दिला तसेच भोईवाडा पोलिस ठाण्याच्या सर्वच पोलिस अधिकाऱ्यांनी ही चांगले सहकार्य केले.
सदर बंदास ॲड. दिपक मोरे लक्ष्मण कांबळे, राजेंद्र जाधव, चंद्रकांत गायकवाड, राजाभाऊ तथा रामदास धो. गमरे, राजेश जाधव, शलाका जाधव, राहुल अहिरे, नकुल मोहिते, विलास जाधव, सुनील जाधव, विनोद सावंत, शैलेश पवार, अनंत पवार, कुमारी तनिष्का, कुमार कनिष्क, उत्तम रूके, अजय पवार, अविनाश मोहिते, प्रवीण तांबे, अनंत मोहिते, अजय पवार आणि तमाम कार्यकर्त्यांनी ऍड. बाळासाहेब आंबेडकरांनी दिलेल्या हाके साठी रस्त्यावर उतरून डॉ. बाबासाहेब आंबेडकर रोड येथे सर्वांनी सरकारच्या दडपशाही विरोधात निदर्शने देऊन सदर बंद यशस्वी केला, हा बंद यशस्वीपणे पार पाडण्यासाठी सहकार्य केले त्यासाठी ऍड. मनोहर मोरे यांनी सर्व उपस्थितांचे व पोलिस प्रशासनाचे आभार मानून सर्वांना सरकारी नियमांचे उल्लंघन न करता तसेच कोणत्याही शासकीय, गैरशासकीय, खाजगी अशा स्थावर जंगम मालमत्ते नुकसान न करता शांततेच्या मार्गाने आपापल्या गंतव्य स्थानी प्रस्थान करण्याचे आवाहन करून बंदाची सांगता केली.
