मुंबई दि. २२ (रामदास धो. गमरे) आंबेडकरी चळवळीतील जुन्या पिढीतील कार्यकर्त्या, बौद्धजन विकास मंडळ, मौजे पेवे (मुंबई) तसेच बौद्धजन सहकारी संघ, शाखा क्र. १३ (रजि.) चे माजी सहसचिव दिवंगत सुधीर तुळशीराम कदम, आयु. सुरेखा अनिल शिंदे यांच्या मातोश्री, बौद्धजन सहकारी संघ, तालुका गुहागर (मुंबई) च्या सदस्या, आम्रपाली महिला मंडळाच्या उपकार्याध्यक्षा आयु. सुविधा सुधीर कदम यांच्या सासू सरस्वती तुळशीराम कदम यांचे दि. १५ जुलै २०२६ वयाच्या ८६ व्या वर्षी अल्पशा आजाराने निधन झाले.
दिवंगत सरस्वती तुळशीराम कदम या हसतमुख, मनमिळाऊ स्वभावाच्या, मायाळू व सर्वसमावेशक, तसेच करारी बाण्याच्या आणि ध्येयवादी होत्या त्यांनी अनेकांना आधार दिला, आंबेडकरी घराण्याशी एकनिष्ठ दिवंगत सरस्वती तुळशीराम कदम यांच्या पश्चात सून, मुलगी, नातवंडे असा आप्तपरिवार आहे. त्यांच्या अचानक जाण्याने समाजात हळहळ व्यक्त केली जात आहे.
दिवंगत सरस्वती तुळशीराम कदम यांची शोकसभा, बौद्धजन सहकारी संघ, शाखा क्र. १३ (मुंबई व गाव) व बौद्धजन पंचायत समिती शाखा क्र. ११२ नायगाव यांच्या संयुक्त विद्यमाने रविवार दि. २६ जुलै २०२६ रोजी सकाळी ठीक १०:०० वाजता स्वप्नील कळंबे यांच्या अध्यक्षतेखाली बौद्धजन पंचायत समिती, डॉ. बाबासाहेब आंबेडकर स्मारक सभागृह, भोईवाडा, परेल, मुंबई १२ येथे आयोजित करण्यात आली आहे तरी तालुक्यातील, आंबेडकरी चळवळीतील व विविध क्षेत्रातील मान्यवरांनी आपल्या आदर्शाना श्रद्धांजली अर्पण करण्यासाठी उपस्थित रहावे असे बौद्धजन सहकारी संघ, शाखा क्र. १३ च्या वतीने काढण्यात आलेल्या परिपत्रकात चिटणीस गीतेश कदम यांनी नमूद केले आहे.
