पुणे, दि. १ जुलै : राष्ट्रीय डॉक्टर्स दिनानिमित्त पतित पावन संघटनेच्या वतीने कमला नेहरू रुग्णालयातील सर्व डॉक्टरांचा पुष्पगुच्छ, शाल व सन्मानचिन्ह देऊन गौरव करण्यात आला.
स्वर्गीय गिरीशभाऊ बापट साहेब यांच्या निधनानंतर प्रथमच पतित पावन संघटनेच्या माध्यमातून असा विशेष सत्कार समारंभ आयोजित करण्यात आला. समाजसेवेसाठी अहोरात्र कार्य करणाऱ्या डॉक्टरांप्रती कृतज्ञता व्यक्त करण्याच्या उद्देशाने हा कार्यक्रम उत्साहात पार पडला.
या प्रसंगी उपस्थित मान्यवरांनी डॉक्टरांचे समाजाप्रती असलेले योगदान अत्यंत मोलाचे असून त्यांच्या सेवाभावाला सलाम करत त्यांना डॉक्टर्स दिनाच्या शुभेच्छा दिल्या.
या कार्यक्रमाचे उत्कृष्ट नियोजन पतित पावन संघटनेचे पुणे शहर पदाधिकारी मिलिंद तिकोने व यादव पुजारी यांनी केले. त्यांच्या नियोजनामुळे कार्यक्रम यशस्वीरीत्या पार पडला.
पतित पावन संघटना भविष्यातही समाजहिताचे विविध उपक्रम राबवून समाजातील विविध क्षेत्रांत उल्लेखनीय कार्य करणाऱ्या व्यक्तींचा गौरव करत राहील, अशी भावना यावेळी व्यक्त करण्यात आली.
यावेळी पतित पावन संघटना प्रांत सहसंघटक रवींद्र भांडवलकर जिल्हा पालक जालिंदर टेमघरे, सुनील मराठे, शहर पालक गिरीश काकडे, कसबा विभाग प्रमुख योगेश वाडेकर, विनायक ठाकूर, संतोष आढाव, शिरीष गायकवाड,शिवराज निवदेकर, वेदांत अधेकर आदी कार्यकर्ते उपस्थित होते
