मोरया मित्र मंडळाच्या वतीने धर्मवीर छत्रपती श्री संभाजी महाराज यांच्या जयंतीनिमित्त भव्य कार्यक्रमाचे आयोजन करण्यात आले होते. कार्यक्रमाची सुरुवात मान्यवरांच्या हस्ते छत्रपती श्री संभाजी महाराज यांच्या मूर्तीचे पूजन करून झाली. मोहनराव शेटे सर यांच्या हस्ते मूर्तीचे पूजन करण्यात आले, तर काँग्रेस पक्षाचे पुणे शहर अध्यक्ष प्रशांत जगताप यांच्या हस्ते पुष्पहार अर्पण करून कार्यक्रमाचा दिमाखात शुभारंभ झाला. यावेळी शिवव्याख्याते मोहनराव शेटे सर यांच्या व्याख्यानाचे आयोजित करण्यात आले होते. त्यांचे व्याख्यान ऐकुन नागरिक मंत्रमुग्ध झाले.या जयंती महोत्सवाचे औचित्य साधून मंडळाच्या वतीने विविध गुणदर्शन स्पर्धांचे आयोजन करण्यात आले होते. प्रामुख्याने शिवकालीन ऐतिहासिक वेशभूषा स्पर्धा, वक्तृत्व स्पर्धा आणि चित्रकला स्पर्धा पार पडल्या. या स्पर्धांमध्ये लहान मुलांनी व विद्यार्थ्यांनी मोठ्या संख्येने सहभाग नोंदवून आपल्या कलागुणांचे सादरीकरण केले.
या स्पर्धेतील विजेत्यांना मान्यवरांच्या हस्ते सन्मानित करण्यात आले. हा पारितोषिक वितरण समारंभ नगरसेवक स्वप्नील दुधाने आणि खारवडे म्हसोबा देवस्थान ट्रस्टच्या अध्यक्षा मधुराताई मुकुंद भेलके यांच्या शुभहस्ते संपन्न झाला. या प्रसंगी नगरसेविका सौ. रेश्मा संतोष बराटे, इतिहास संशोधक मंडळ सदस्य मंगेश नवघणे, खारवडे म्हसोबा देवस्थान ट्रस्ट विश्वास्त संभाजी गावडे, कैलास सरतापे, गजानन कड संजय गाडे आणि, अनंता केंडे, शिवाजी भोईटे, रामदास राजहंस, बेबी करेकर मंडळाचे अध्यक्ष अथर्व भरम, उपाध्यक्ष गणेश शिंदे खजिनदार गणेश गायकवाड कार्याध्यक्ष अक्षय केसवड, माजी अध्यक्ष रोहीदास जाधव आदी मान्यवर उपस्थित होते. त्यांनी विजेत्यांचे कौतुक करत पुढील वाटचालीस शुभेच्छा दिल्या.
या संपूर्ण दिमाखदार सोहळ्याचे नेटके नियोजन व आयोजन केदार आशा वसंत मारणे यांनी केले होते. तर कार्यक्रमाचे उत्कृष्ट सूत्रसंचालन प्रसिद्ध निवेदक बाळकृष्ण नेहरकर यांनी करून कार्यक्रमात रंगत आणली. कार्यक्रमाला परिसरातील नागरिक आणि पालकांची मोठी उपस्थिती लाभली होती.
राज्यस्तरीय ऑनलाईन वक्तृत्व स्पर्धेचा निकालः
यावेळी आयोजित करण्यात आलेल्या राज्यस्तरीय ऑनलाईन वक्तृत्व स्पर्धेला संपूर्ण महाराष्ट्रातून उत्स्फूर्त प्रतिसाद मिळाला. या स्पर्धेत खालील स्पर्धकांनी यश संपादन केलेः
प्रथम क्रमांक: प्रणव शशिकांत जाधव (सांगली पलुस)
द्वितीय क्रमांक अथर्व विठ्ठल गुरव (चंदगड कोल्हापूर)
तृतीय क्रमांक आकांक्षा दलपत चव्हाण (संभाजी नगर कन्नड) येथील कन्येने पटकवला.
चित्रकला स्पर्धा (चित्र रंगवणे)
प्रथम क्रमांक आराध्य सोमनाथ लांडे
द्वितीय क्रमांक श्रीकृष्ण अरुण पवार
तृतीय क्रमांक कार्तिक नितीन पाटील
उत्तेजनार्थ : सई अविनाश मारणे आणि तेजुल शरद पवार
चित्र काढणे
प्रथम:अर्थव आनंत सुतार
द्वितीय :गौरव गोविंद दुब्बे
तृतीय:आयुशी धर्मेंद्र सिंग
शिवकालीन ऐतिहासिक वेशभूषा स्पर्धा
प्रथम क्रमांक: काव्या सोमनाथ लांडे
द्वितीय क्रमांक : हिंदवी गणेश रजपूत
तृतीय क्रमांक : ओवी नेताजी भोसले
उत्तेजनार्थ दोन वर्षाचा चिमुकला अंथाग अमृत मारणे. तसेच शुभ्रा विवेक कोतवाल आणि सार्थक बालाजी बिरादार यांनी पारितोषिक पटकाविले.
यावेळी कार्यक्रमाचे आयोजक केदार मारणे म्हणाले विविध स्पर्धाः बालकांच्या सुप्त गुणांना वाव देण्यासाठी भव्य चित्रकला आणि वक्तृत्व, शिवकालीन ऐतिहासिक वेशभूषा स्पर्धांचे आयोजन करण्यात आले होते. शिवकालीन ऐतिहासिक वेशभूषा स्पर्धा हे या कार्यक्रमाचे मुख्य आकर्षण ठरले. यामध्ये लहान मुलांनी मावळे, जिजाऊ आणि बाल शिवबा-शंभूरायांचे रूप साकारून इतिहास जिवंत केला.अंगावर शहारे आले. असंच भविष्यात मुलांना हक्काचे व्यासपीठ उपलब्ध करून देऊ. कार्यक्रमाचे आभार प्रदर्शन रोहिदास जाधव यांनी केले
