मुंबई दि. १५ (रामदास धो. गमरे) बौद्धजन पंचायत समिती शिवडी गट क्र. १३ आणि संलग्न सर्व शाखा यांच्या संयुक्त विद्यमाने सालाबादप्रमाणे याही वर्षी भीम जयंती महोत्सव १३५ राजाभाऊ तथा रामदास धो. गमरे यांच्या अध्यक्षतेखाली मोठ्या उत्साहात साजरा करण्यात आला. सदर भीम जयंती महोत्सवा निमित्ताने शिवडी गटक्रमांक १३ चे गटप्रमुख तसेच कार्यक्रमाचे अध्यक्ष राजाभाऊ तथा रामदास धो. गमरे यांच्या नेतृत्वाखाली फटाक्यांच्या आतिषबाजीत, नेत्रदीपक अशी भव्यदिव्य मिरवणूक काढण्यात आली.
सदर मिरवणुकीपूर्वी डॉ. बाबासाहेब आंबेडकर स्मारक सभागृह येथे शिवडी गटक्रमांक १३ चे गटप्रमुख तसेच कार्यक्रमाचे अध्यक्ष राजाभाऊ तथा रामदास धो. गमरे यांनी तथागत भगवान गौतम बुद्ध तर विभागाचे कार्याध्यक्ष संतोष जाधव यांनी देवानप्रिय सम्राट अशोक यांच्या प्रतिमेस व सरचिटणीस संदीप मोहिते यांनी डॉ. बाबासाहेब आंबेडकरांच्या प्रतिमेस पुष्पहार अर्पण केला तर विभागाचे कोशाध्यक्ष प्रविण तांबे यांनी ज्योत प्रज्वलित केली व प्रमोद लोखंडे यांनी धूपबत्ती प्रज्वलित केली हरीश मोरे आणि राजू धोत्रे यांनी पुष्पसुमन अर्पण केले तद्नंतर सामुदायिक वंदना घेण्यात आली व बाबासाहेबांना मानवंदना देण्यात आली.
सदर मिरवणूक सुरू होण्याआधी रफिक किडवाई मार्ग पोलिस ठाण्याचे पोलीस निरीक्षक खरात साहेबांनी रथामध्ये असलेल्या डॉ. बाबासाहेब आंबेडकरांना पुष्पहार अर्पण केले तद्नंतर अत्यंत जोषपूर्ण आवाजात झालेल्या घोषणांनी आकाश निनादला व सोबतच नेत्रदीपक अशी फटाक्यांची आतिषबाजी करण्यात आली व मिरवणूक पुढे मार्गस्थ झाली ती हळूहळू ती मातोश्री येथे पोहोचताच त्याठिकाणी मिरवणुकीचे भव्य स्वागत करण्यात आले येथील मानसन्मान स्वीकार करुन मिरवणूक भीम नगरच्या दिशेने रवाना झाली तेथेही फटाक्यांच्या आतिषबाजीत जेसीबी मधून बाबासाहेबांवर पुष्पवृष्टी करण्यात आली तेथील मानसन्मान स्वीकारत पुढे सरकत ही मिरवणूक शिवसेना नगरी येथे आली व तेथून मार्गस्थ होत मिरवणूक विठ्ठल मंदिर येथे पोहोचली तेथेही मिरवणुकीचे भव्य प्रमाणात स्वागत करण्यात आलं पुढे प्रबुद्ध नगर ही फटाक्यांच्या आतिषबाजीत मिरवणुकीचे स्वागत करण्यात आले तशीच मिरवणूक पुढे सरकत सरकत भारत नगर, आंबेडकर नगर येथे पोहोचून तेथील ही मानसन्मान स्वीकारत पुढे अण्णाभाऊ साठे नगर येथे पोहोचली तेथे शाखा क्र. ५७८ माता रमाई मंडळ, पंचशील मंडळाच्या वतीने मोठ्या हर्षोल्लासात मिरवणुकीचे स्वागत करण्यात आले व मिरवणुकीत सहभागी झालेल्या सर्व बंधू-भगिनींना शाखेच्या वतीने लाडू वाटप, पाणी वाटप करण्यात आले. पुढे मिरवणूक सरकत सरकत आर. के. मित्र मंडळ येथे आली तेथेही मिरवणुकीचे भव्य स्वागत करण्यात आले पुढे आगेकूच करत मिरवणूक आंबेडकर मार्ग येथे पोहोचताच मनसेच्या शाखेच्या वतीने मोठ्या आनंदाने भव्य स्वागत करण्यात आले तशीच पुढे जात मिरवणूक भोईवाडा नाक्यावर आली. सदर मिरवणुकीत विविध पक्षाचे मान्यवर कार्यकर्त्यांनी, लोकप्रतिनिधींनी उपस्थिती लावून बाबासाहेबांना पुष्पहार अर्पण करून मानवंदना दिली. मोठ्या प्रमाणात निघालेली ही मिरवणूक शांततेच्या मार्गाने व सर्व शासकीय नियमांचे पालन करीत कोणतेही गालबोट लागणार नाही याची दक्षता घेत स्वयंसेवक आणि पोलिसांच्या नियंत्रणात आपल्या स्थानावर आली तेथे डॉ बाबासाहेब आंबेडकर स्मारक सभागृह भोईवाडा परेल येथे मिरवणुकीचा समारोप करण्यात आला. किडवाई पोलिस ठाण्याचे मुख्य तायडे व एसीपी संदीप कदम यांनी मिरवणूक शांततेने पार पाडण्यासाठी जातीने लक्ष देऊन मदत केली त्यामुळे शिवडी विभागातील कार्यकर्त्यांनी पोलिस खात्याचे आभार मानले. अशी ही भव्यदिव्य मिरवणूक कोणतेही गालबोट न लागता पार पडली. सदर मिरवणूक यशस्वीपणे पार पाडण्यासाठी विभागीय कार्याध्यक्ष संतोष जाधव, कोषाध्यक्ष प्रविण तांबे, चिटणीस संदीप मोहिते यांनी अथक परिश्रम घेतले म्हणून त्यांचे तसेच समितीच्या सर्वच कार्यकर्त्यांचे व मिरवणुकीत सहभागी झालेल्या सर्व शाखा, त्यांचे पदाधिकारी, महिला मंडळ या सर्वांचे मिरवणूक अध्यक्ष राजाभाऊ तथा रामदास धो. गमरे यांनी आभार मानून कार्यक्रमाची सांगता केली.
