‘स्मार्ट‘ प्रकल्पाअंतर्गत विदर्भात प्रशिक्षण सत्रांचे आयोजन
पुणे/ नागपूर : जागतिक बँक अर्थसहाय्यित मा. बाळासाहेब ठाकरे कृषी व्यवसाय व ग्रामीण परिवर्तन (स्मार्ट) प्रकल्पाअंतर्गत शेतमालाच्या दरातील चढ- उतारापासून शेतकऱ्यांचे संरक्षण करण्यासाठी ‘किंमत जोखीम व्यवस्थापन’ (हेजिंग) विषयावरील विशेष प्रशिक्षण सत्रांचे आयोजन करण्यात आले आहे. कृषी विभागाच्या स्मार्ट प्रकल्प अंमलबजावणी कक्षाअंतर्गत जोखीम निवारण कक्ष व एनआयसीआर तर्फे विदर्भातील विविध जिल्ह्यांमध्ये हे प्रशिक्षण कार्यक्रम पार पडणार आहेत.
शेतकरी उत्पादक कंपन्यांना (सीबीओंना) वायदे बाजारातील तांत्रिक बाबींची माहिती व्हावी आणि त्यांना आपल्या शेतमालाचे योग्य व्यवस्थापन करून आर्थिक नुकसान टाळता यावे, हा या प्रशिक्षणाचा मुख्य उद्देश आहे. या प्रशिक्षणाद्वारे प्रतिनिधींना हेजिंग, ऑप्शनचा प्रभावी वापर आणि बाजारपेठेतील भविष्यातील कल ओळखण्याचे तंत्र शिकवले जाणार आहे.
‘स्मार्ट’ प्रकल्पाअंतर्गत स्थापन करण्यात आलेल्या ‘हेजिंग डेस्क’च्या माध्यमातून आतापर्यंत २५ प्रशिक्षण कार्यक्रम यशस्वीरीत्या राबविण्यात आले असून, आगामी दोन वर्षांत सुमारे ३००० शेतकरी प्रतिनिधींना प्रशिक्षित करण्याचे उद्दिष्ट ठेवण्यात आले आहे. विशेषतः कापूस, मका आणि हळद या पिकांच्या मूल्यसाखळीतील भागधारकांसाठी हे प्रशिक्षण अत्यंत उपयुक्त ठरणार आहे.
संबंधित जिल्ह्यातील शेतकरी उत्पादक कंपन्यांच्या प्रतिनिधींनी या प्रशिक्षणाचा लाभ घ्यावा. याबाबत अधिक माहितीसाठी 94204-19470 या क्रमांकावर संपर्क साधावा, असे आवाहन कृषी विभागाच्या ‘स्मार्ट’ प्रकल्प अंमलबजावणी कक्षातर्फे करण्यात आले आहे.
प्रशिक्षण वेळापत्रक पुढीलप्रमाणे आहे :
