श्री गुरूदेव दत्त सेवा ट्रस्टच्या दत्त भक्तांनी वाल्हेकर दत्त मंदीर वारजे येथील दत्त महाराजांच्या मंदिरामध्ये असलेल्या कपिलाचा नामकरण विधी म्हणजे एक वेगळा ‘स्वाग’ च म्हणावा लागेल कारण भाविक भक्तांनी तिच्यासेवेसाठी पाळणा लिहिलंही आणि बांधलाही! दत्त महाराजांची ‘सजीव’ ठेव म्हणून भक्तांकडून मंदिर परिसरामध्येच गोमातेची प्रसुती झाल्यानंतर जन्माला आलेल्या बाळाचा नामकरण सोहळा करण्याचे आयोजन ट्रस्टच्या वतीने करण्यात आले होते. कार्यक्रमात गोमातेचे विधिवत पूजन, मंत्रोच्चार आणि नामकरण विधी झाला.
गो-माता सकल हिंदू समाजाचा अभिमान, स्वाभिमान! गोमातेची सेवा ही ईश्वर सेवा अशी हिंदू धर्मामध्ये असलेले भावना आणि त्याच गोमातेच्या सेवेसाठी हिंदू समाजाचे असलेली आस्था सर्वश्रुत आहे. “हिंदुत्व विचारधारा आणि गोमातेचे धार्मिक, सांस्कृतिक व सामाजिक महत्त्व नागरिकांपर्यंत पोहचावे यासाठी हा नामकरण सोहळा आयोजित करण्यात आला.” भारतीय संस्कृतीत गोमाता पूजनीय मानली जाते. तिचे संवर्धन व संरक्षण ही प्रत्येकाची जबाबदारी आहे, असा संदेश यावेळी देण्यात आल्याचे खडकवासला भारतीय जनता पक्षाचे पर्यावरण आघाडी प्रमुख संजय वाल्हेकर यांनी सांगितले.
यावेळी नगरसेवक भारतभूषण बराटे, सायली वांजळे, रेश्मा बराटे, सुशील मेंगडे, राजीव मोरे यांच्यासह शहरातील अनेक नागरिक आणि दत्तभक्त मोठ्या संख्येने उपस्थित होते.
