निधी नसल्याच्या तक्रारीने फुटलेल्या ठाकरेगटाच्या ६ खासदारांची धक्कादायक माहिती मुळात सक्रियता नाही

शिवसेना ठाकरे गटाच्या 6 बंडखोर खासदारांचा अखेर शिंदेंच्या शिवसेनेत काल (22 जून) अधिकृत प्रवेश झाला. आम्ही जे करतो ते फुलप्रुफ करतो. त्यामुळे ऑपरेशन टायगर यशस्वी झाल्याची घोषणा यावेळी एकनाथ शिंदेंनी केली. विशेष म्हणजे 6 खासदार धनुष्यबाण चिन्हावर उभे राहतील आणि निवडूनही येतील अशी घोषणाही यावेळी एकनाथ शिंदेंनी केली. दरम्यान, शिवसेना शिंदे गटात प्रवेश करण्याचं कारण विचारल्यानंतर विकास निधी मिळत नाही. कामं होत नाहीत, अशी फुटीर खासदारांनी कारणं पुढे केली. परंतु फुटलेल्या खासदारांचा धक्कादायक माहिती समोर आली आहे. विकास निधी मिळत नसल्याची तक्रार करणाऱ्या खासदारांनी विकास निधी मंजूर झाल्यानंतरही तो खर्च न केल्याचं समोर आलं आहे.

खासदार स्थानिक क्षेत्र विकास योजनेअंतर्गत (MPLADS) प्रत्येक खासदाराला वर्षाला काही विशिष्ट कोटी रुपयांचा निधी मिळतो. हा निधी प्रामुख्याने रस्ते, सार्वजनिक आरोग्य, पिण्याचे पाणी, शिक्षण आणि स्वच्छता यांसारख्या कामांसाठी खर्च केला जातो. फुटलेल्या खासदारांपैकी काही खासदारांनी फुटण्याचं जे मुख्य कारण दिला आहे ते म्हणजे विरोधी पक्षातील खासदारांना विकास निधी मिळत नव्हता आणि त्यामुळे मतदारसंघातली काम करण्यास अडचणी येत होत्या. मात्र प्रत्यक्षात खरंच विकास निधी मिळत नव्हता का? विकास निधी आतापर्यंत या खासदारांना किती मिळाला? आणि त्याचा वापर कसा केला?, याबाबत सगळी माहिती समोर आली आहे.

सहा खासदारांना नेमका आतापर्यंत किती विकास निधी मिळाला? किती विकास निधीचा वापर केला?

1. भाऊसाहेब वाकचौरे, खासदार, शिर्डी

एकूण मंजूर झालेला निधी – 14.70 कोटी

खर्च केलेला निधी- 71 लाख

पूर्ण झालेली कामे – 135 कामांपैकी 2 कामं पूर्ण

शिल्लक निधी – 13.98 कोटी

2. संजय जाधव, खासदार, परभणी 

एकूण मंजूर झालेला निधी – 14.70 कोटी

खर्च केलेला निधी- 3.78 कोटी

पूर्ण झालेली कामे – 56 कामांपैकी 25 काम पूर्ण

शिल्लक निधी – 10.91 कोटी

3. नागेश पाटील आष्टीकर, खासदार, हिंगोली

एकूण मंजूर झालेला निधी – 19.02 कोटी

खर्च केलेला निधी- 5.02 कोटी

पूर्ण झालेली कामे – 79 कामांपैकी 28 काम पूर्ण

शिल्लक निधी – 13.95 कोटी

4. संजय देशमुख, खासदार, वाशिम

एकूण मंजूर झालेला निधी- 18.60 कोटी

खर्च केलेला निधी- 1.41 कोटी

पूर्ण झालेली कामे – 106 कामांपैकी 7 काम पूर्ण

शिल्लक निधी- 17.14 कोटी

5. ओमराजे निंबाळकर, खासदार, धाराशिव

एकूण मंजूर झालेला निधी – 18.47 कोटी

खर्च केलेला निधी- 1.97 कोटी

पूर्ण झालेली कामे – 130 कामांपैकी 21 काम पूर्ण

शिल्लक निधी – 16.49 कोटी

6. संजय दिना पाटील, खासदार, ईशान्य मुंबई

एकूण मंजूर झालेला निधी – 14.70 कोटी

खर्च केलेला निधी- 15.59 लाख

पूर्ण झालेली कामे – 40 कामांपैकी ० काम पूर्ण

शिल्लक निधी – 14.54 कोटी

ठाकरेंची साथ सोडून शिंदेंच्या शिवसेनेत प्रवेश करणाऱ्या खासदारांची नावं-

• संजय दिना पाटील
• ओमराजे निंबाळकर
• संजय जाधव
• संजय देशमुख
• नागेश पाटील-आष्टीकर
• भाऊसाहेब वाकचौरे