राज्यातील 17 पैकी 11 विधान परिषदेच्या निवडणुकीचे निकाल जाहीर झाले आहेत. या निवडणुकीत 17 पैकी 16 जागा महायुतीने जिंकल्या आहेत. तर एका जागेवर अपक्ष उमेदवाराचा विजय झाला आहे. महाविकास आघाडीला एकही जागा जिंकता आलेली नाही. उलट महाविकास आघाडीची या निवडणुकीतील कामगिरी अत्यंत वाईट झाली आहे. या निवडणुकीत महाविकास आघाडीच्या उमदेवारांची कामगिरी अत्यंत सुमार राहिली आहे. कुणाला 5 मते मिळाली तर कुणाला शून्य मते मिळाली आहे. खासकरून देशातील सर्वात मोठा पक्ष असलेल्या काँग्रेसची अवस्था अत्यंत वाईट झाल्याचं दिसून आलं आहे.
भाजपाची 2019 ची तयारी? नाशिकमध्ये साधलं अन् सातारा-सांगलीत थोडक्यात…
सातारा-सांगली विधान परिषद निवडणुकीत महायुतीतील वाद आधीपासूनच विकोपाला गेले होते. हे वाद किती प्रचंड विकोपाला गेले होते हे अखेर निकालाने स्पष्ट झालं आहे. या निवडणुकीत महायुतीचा उमेदवार विजयी झाला आहे. महायुतीचे सर्वच्या सर्व 100 मते मविआच्या पारड्यात पडल्याने महायुतीमध्ये खळबळ उडाली आहे. एककीडे विरोधकांचे मतदार आणि खासदार फोडले जात असतानाच महायुतीचे 100 मतं फोडल्याने महायुतीसाठी हा सर्वात मोठा धक्का असल्याचं मानलं जात आहे.
केसाने आमचा गळा कापला ”माझ्याशी गद्दारी झाली”; शिंदेंचा शिलेदार भडकला
नाशिक विधान परिषद स्थानिक प्राधिकारी मतदारसंघाच्या मतमोजणीतून अत्यंत धक्कादायक आणि राजकीय गणिते बदलून टाकणारी बातमी समोर येत आहे. निवडणूक रिंगणात अपक्ष उतरलेले भाजपचे बंडखोर उमेदवार गोकुळ गीते यांनी महायुतीचे अधिकृत उमेदवार नरेंद्र दराडे यांचा पराभव केला. या पराभवानंतर नरेंद्र द दराडे यांनी संताप व्यक्त केला आहे. माझ्याशी गद्दारी झाल्याचा संताप दराडे यांनी व्यक्त केला.
पहिल्या फेरीच्या मतमोजणीत झालेल्या १५० मतांपैकी तब्बल १०० हून अधिक मतांचा कोटा एकट्या गोकुळ गीते यांनी पूर्ण केला. पहिल्याच फेरीत मिळालेल्या या एकतर्फी मतदानामुळे महायुतीचे अधिकृत उमेदवार बॅकफूटवर गेले. त्यानंतर गोकुळ गीते यांनी आपली विजयी आघाडी कायम ठेवली. संख्याबळाचा विचार करता या ठिकाणी महायुतीच्या उमेदवाराचा विजय निश्चित समजला जात होता. मात्र, तरीदेखील महायुतीच्या अधिकृत उमेदवाराचा पराभव झाला. तर, भाजप बंडखोर अपक्ष उमेदवाराचा विजय झाला.
माझ्याशी गद्दारी….
शिवसेना शिंदे गटाचे उमेदवार नरेंद्र दराडे यांनी संतप्त प्रतिक्रिया व्यक्त केली. दराडे यांनी सांगितले की, माझ्याशी सगळ्यांनी गद्दारी केली. आमच्या नेत्यांना अंधारात ठेवण्यात आले. केसाने आमचा गळा कापला असल्याची भावना शिंदे गटाचे पराभूत उमेदवार नरेंद्र दराडे यांनी व्यक्त केली.
प्रत्येक मतदारसंघातील निकालाचा घेतलेला हा आढावा.
विधान परिषद निवडणुकीत कुठे कुणाचा विजय –
सोलापूर – एकूण मतदार 616
राजेंद्र राऊत (भाजप) – 483
वसंतराव देशमुख (शरद पवार गट) – 118
जळगाव – एकूण मतदार 630
नंदकुमार महाजन (भाजप) – 577
शरद तायडे (ठाकरे गट) – 5
सांगली सातारा – एकूण मतदार 895
धैर्यशील कदम (भाजप) – 591
अभयसिंह जगताप (शरद पवार गट) – 295
नांदेड – एकूण मतदार 452
अमर राजूकर (भाजप) -339
कृष्णा आष्टीकर ( ठाकरे गट) – 84
भंडारा- गोंदिया – एकूण मतदार 457
अविनाश ब्राह्मणकर (भाजप) – 304
नरेश ईश्वरकर (मविआ पुरस्कृत) – 152
अमरावती – एकूण मतदार – 451
डॉ. प्रविण पोटे (भाजप) – 390
निलेश विश्वकर्मा (वंचित आघाडी) – 31
हर्षजित देशमुख (काँग्रेस) – 0
धाराशीव-लातूर- बीड – एकूण मतदार – 988
बसवराज पाटील (भाजप) -845
महेश देशमुख (काँग्रेस) – 124
छत्रपती संभाजीनगर- जालना- एकूण मतदार – 637
सुहास शिरसाट (भाजप) – 454
गणेश लोखंडे (ठाकरे गट) – 134
नागपूर – एकूण मतदार – 836
डॉ. राजीव पोतदार (भाजप) – 682
अतुल लोंढे ( काँग्रेस) – 130
परभणी – हिंगोली – एकूण मतदार – 466
सईद खान (शिवसेना) – 242
डॉ. विवेक नावंदर (ठाकरे गट) – 159
नाशिक – एकूण मतदार – 619
गोकुळ गिते (अपक्ष) – 357
नरेंद्र दराडे (शिवसेना) – 248
बिनविरोध उमेदवार –
- प्राजक्त तनपुरे (भाजप) – अहिल्यानगर
- अरुण लखानी (भाजप) – वर्धा-चंद्रपूर-गडचिरोली
- रविंद्र फाटक (शिवसेना) – ठाणे-पालघर
- दुष्यंत चतुर्वेदी (शिवसेना) – यवतमाळ
- विक्रम काकडे (राष्ट्रवादी) – पुणे
- अनिकेत तटकरे (राष्ट्रवादी) – रायगड- रत्नागिरी- सिंधुदुर्ग
