सर्व शाखीय ब्राम्हण संघ कर्वेनगर, वारजे. यांच्यामार्फ़त दहावी व बारावी यशस्वी रित्या उत्तीर्ण झालेल्या विद्यार्थ्यांचा सत्कार समारंभ आयोजित संजीवनी ज्येष्ठ नागरिक संघ हॉल कर्वेनगर या ठिकाणी करण्यात आला. सरस्वती पूजन आणि दीपप्रज्वलन करून कार्यक्रमास सुरवात झाली कार्यक्रमचे प्रमुख शिक्षणतज्ञ श्री. श्रीराम बेडकीहाळ सर यांच्या हस्ते यशस्वी विद्यार्थ्यांचा सत्कार करण्यात आला.
यानंतर श्री. बेडकिहाळ यांचे मार्गदर्शन पर भाषणांत म्हणाले “स्वतःवर विश्वास ठेवा टक्क्यांवर नाही, आवडीच्या क्षेत्राचा अभ्यास करा” या वेळी संस्थेचे अध्यक्ष श्री. अशोक जोशी, जेष्ठ नागरिक संघ अध्यक्ष श्री माणिक दुधाने, उपाध्यक्ष डॉ. वनमाळी वाईकर, संस्थेचे कोषाध्यक्ष अँड. प्रकाश हडप, सचिव श्री रावसाहेब उन्हाळे, तसेच सर्व पदाधिकारी, सभासद यावेळी उपास्थित होते. कार्यक्रमाचे संयोजन श्री रावसाहेब उन्हाळे, किरण जोशी यांनी पाहिले. तसेच सूत्रसंचालन सागर अत्रे यांनी केले. श्री सचिन विप्र यांनी आभार मानले. उपस्थित विद्यार्थी, पालक व सभासद समवेत पसायदानाने कार्यक्रमाची सांगता झाली.
