पुण्यातील सर्व नागरिकांसाठी महत्त्वाची बातमी आहे. पुणे महापालिका शहर परिसरातील अनधिकृत शाळांची यादी पुणे महानगरपालिकेने जाहीर केलेली आहे. पुणे महानगरपालिकेच्या प्राथमिक शिक्षक विभागाने जाहीर केलेल्या यादीमध्ये शहर परिसरातील १३ अनधिकृत शाळांचा समावेश आहे, जिथे पालकांनी त्यांच्या पाल्यांचे प्रवेश तिथे घेऊ नये असे आवाहन केले आहे. पुणे महानगरपालिकेने पत्रक काढून ही माहिती दिली आहे. पालिकेने दिलेली अनधिकृत शाळांची यादी बातमीत पुढे देण्यात आली आहे.
पुणे महानगरपालिकेने दिलेल्या माहितीनुसार २०२५-२६ या शैक्षणिक वर्षात महापालिका हद्दीत १३ अनधिकृत शाळा असल्याचे निदर्शनास आले. या शाळांमध्ये सन २०२६-२७ या शैक्षणिक वर्षात पालकांनी त्यांच्या पाल्यांचा प्रवेश घेऊ नये, अशी माहिती दिली आहे. तरीही काही पालकांनी त्यांच्या पाल्यांचे प्रवेश या शाळांमध्ये घेतले तर त्यांचे शैक्षणिक नुकसान होऊ शकते अशी माहिती पुणे महानगरपालिकेने दिलेली आहे. कारण या शाळा अनधिकृत असल्याने त्याच्यावर कधीही कारवाई केली जाऊ शकते.
पुणे महानगरपालिकेने जाहीर केलेल्या १३ अनधिकृत शाळांमध्ये अनेक प्रसिद्ध शाळांचा समावेश आहे. यामध्ये न्यू मिलेनियम स्टार इंग्लिश मीडियम स्कूल, ऑर्किड द इंटरनॅशनल स्कूल, ग्लोबल एज्युकेशन ट्रस्ट पुणे इकरा इस्लामिक स्कूल, ग्लोबल इंग्लिश मीडियम स्कूल, आर्यन वर्ल्ड स्कूल अशा १३ शाळांचा समावेश आहे. या शाळांची नावे आणि त्यांचा पत्ता पुढे दिला आहे.
पुणे महानगरपालिकेने जाहीर केलेली अनधिकृत शाळांची यादी
अ. क्र. शाळेचे पूर्ण नाव आणि पत्ता
१. न्यू मिलेनियम स्टार इंग्लिश मीडियम स्कूल, बिबवेवाडी पोलीस स्टेशन जवळ, विमलविहार समोर, चिंतामणी नगर, पुणे ३७
२. महात्मा गांधी प्रशाला, प्लॉट नं. ५२, लेन नं. २B संजय पार्क, येरवडा, पुणे
३. टीम्स तकवा इस्लामिक स्कूल अँड मकतब, स.नं. २७/१/१, NIBM रोड, कोंढवा खुर्द, पुणे- ४११०४८
४. सेंट व्ह्यू इंटरनॅशनल स्कूल, कोंढवा. बु., पुणे
५. इमॅन्युअल पब्लिक स्कूल, महंमदवाडी रोड, हडपसर, पुणे-२८
६. आकांक्षा अकॅडमी स्कूल, अजिंक्य डी.वाय. पाटील रोड, लोहगाव, पुणे
७. एलोरा मेडिकल अँड एज्युकेशन फाउंडेशन आर्यन पब्लिक स्कूल, मानाजी नगर, नऱ्हे, पुणे
८. लेगसी हाय स्कूल, अशरफ नगर, कोंढवा बुद्रुक, पुणे
९. शिबली नोमानी इंग्लिश मीडियम स्कूल, अशरफ नगर, कोंढवा बुद्रुक, पुणे
१०. ऑर्किड द इंटरनॅशनल स्कूल, उंड्री, ता. हवेली, पुणे
११. ग्लोबल एज्युकेशन ट्रस्ट पुणे इकरा इस्लामिक स्कूल, कौसरबाग, कोंढवा, पुणे
१२ ग्लोबल इंग्लिश मीडियम स्कूल, आंबेगाव बुद्रुक, पुणे
१३. आर्यन वर्ल्ड स्कूल, उंड्री, पुणे
वर दिलेल्या १३ अनधिकृत शाळांवर पुणे महापालिका कधीही कारवाई करू शकते त्यामुळे पालकांना या शाळेत स्वतःच्या पाल्याचा प्रवेश घेणे टाळावे, असे आवाहन पुणे महानगरपालिकेकडून करण्यात आले आहे.
