पुणे : गेल्या काही दिवसांपासून शहरातील हवामानात मोठे बदल होत असून पुणेकरांना कधी कडाक्याचे ऊन तर कधी पावसाचा अनुभव घ्यावा लागत आहे. शुक्रवारी शहराचा कमाल तापमानाचा पारा 40°C वर पोहोचल्याने उकाड्यात मोठी वाढ झाली होती. मात्र, सायंकाळी हलक्या सरींनी हजेरी लावल्याने वातावरणात काहीसा गारवा निर्माण झाला.
दरम्यान, आज शहरात मेघगर्जना आणि विजांच्या कडकडाटासह पावसाची शक्यता Indian Meteorological Department यांनी वर्तवली आहे. त्यामुळे पुणे शहराला यलो अलर्ट जारी करण्यात आला आहे.
