पुणे : स्वर्गीय उत्तमकाका भेलके प्रतिष्ठान, संयुक्त भेलकेनगर मित्र मंडळ ट्रस्ट, समर्पण युथ फोरम, एकदंत वाद्य पथक आणि शिवसेना विभाग संघटक उमेश भेलके मित्र परिवार यांच्या संयुक्त विद्यमाने भेलकेनगर चौक, कोथरूड येथे २६/११ मुंबई दहशतवादी हल्ल्यातील वीर हुतात्म्यांच्या स्मृतिप्रीत्यर्थ १७वे भव्य रक्तदान शिबिर भव्य उत्साहात पार पडले. याप्रसंगी शाम देशपांडे, पृथ्वीराज सुतार, किशोर शिंदे, योगेश मोकाटे, मंदार बलकवडे, संदीप मोकाटे, राम थरकुडे, अजय भुवड, जयदीप पडवळ , सचिन धनकुडे, चेतन भालेकर यांच्यासह प्रशासकीय, सामाजिक, राजकीय आणि सांस्कृतिक क्षेत्रातील अनेक मान्यवरांसह परिसरातील नागरिक देखील मोठ्या संख्येने उपस्थित होते.
या शिबिरास परिसरातील युवक, महिलांसह नागरिकांनी उत्स्फूर्त प्रतिसाद दिला. देशासाठी प्राण अर्पण केलेल्या वीर हुतात्म्यांना उपस्थितांच्या हस्ते मेणबत्ती, दिवे लावून आणि राष्ट्रगीत गात श्रद्धांजली वाहत समाजाप्रती आपली कर्तव्य भावना जपण्याचा संदेश या उपक्रमातून देण्यात आला. तसेच रक्तदान शिबिरात रक्तदात्यांची तपासणी, नोंदणी, प्रमाणपत्र वितरणासह रक्तदात्यास नाश्ता व मसाला दूध देत, संपूर्ण प्रक्रिया शिस्तबद्ध रितीने पार पडली. या रक्तदान शिबिरात एकुण 186 रक्तदात्यांनी रक्तदान केले.
आगामी काळातही अशा सामाजिक उपक्रमांतून जनजागृती व समाजसेवा सातत्याने पुढे नेण्याचा संकल्प यावेळी आयोजक उमेश भेलके यांनी व्यक्त केला.
