पुणे महापालिकेच्या सार्वत्रिक निवडणुकीची रणधीमुळे सुरू झाली आणि प्रभाग 30 मधील गणिते जुळवताना दोन्ही पक्षांची झालेली तारांबळ सर्वश्रुत असतानाच आलेल्या परिस्थितीचा सामना करण्याचे उद्दिष्ट ठेवून शिवयुतीच्या कडवट ‘सैनिकां’नी शिवसेनेचा बालेकिल्ला पुन्हा आपल्या ताब्यात ठेवण्यासाठी अनुभवी काकांच्या ध्येय धोरणानुसार यशस्वी रणनीती आखली. प्रभाग 31 संपूर्ण हिंदुत्ववादी आणि संघ विचाराला बांधील असलेला प्रभाग या प्रभागातील लढती ही दोन्ही हिंदुत्ववादी पक्षांमध्येच प्रचारातही अत्यंत चुरशीच्या स्थितीमध्ये कडवट शिवसैनिकांनी आपले कौशल्य पणाला लावले आहे.
सत्ताधारी विरोधकांच्या कोणत्याही डावाला बळी न पडता …… थेंबे थेंबे विजयाचे गणित जुळवण्याला प्राधान्य दिल्याने या प्रभागातील लढती चुरशीमध्ये गेल्या आहेत. सत्ताधारी पक्षाकडून सर्वच्या सर्व जागा विजयी होण्याची घोषणा प्रचाराच्या सुरुवातीपासूनच केली जात असताना सुद्धा चुकलेली उमेदवारी लक्षात घेऊन शिवयुतीच्या शिवसैनिकांनी प्रादेशिक समतोल राखत उमेदवारी देऊन तगडे आव्हान निर्माण केले.
हिंदुहृदय सम्राट बाळासाहेब ठाकरे यांचे कट्टर शिवसैनिक माजी आमदार चंद्रकांत दादा मोकाटे यांनी विशेष लक्ष घातल्याने प्रचाराची दिशा आणि वेग बदलण्यास मदत झाली; त्यातच शिवसेना पक्षप्रमुख उद्धव ठाकरे व मनसे पक्षप्रमुख राज साहेब ठाकरे यांची स्थानिक स्वराज्य संस्था निवडणुकीसाठी झालेली शिवयुती या प्रभागातील गणित जुळवण्यास अत्यंत पूरक ठरली. राज्य पातळीवर दोन पक्षांचे कार्यकर्ते एकत्र येण्याचा फायदा या प्रभाग 31 मध्ये झाल्याचे दिसून येत आहे. एक दिलाने दोन्ही पक्षाचे पदाधिकारी कार्यकर्ते आणि नेते फक्त आणि फक्त …थेंबे थेंबे विजयाचे गणित! जुळवण्यात व्यस्त असल्याने या भागातील सगळ्या लढती पुणे शहरांची लक्ष वेधून घेण्याची शक्यता नाकारता येत नाही.
सत्ताधारी विरोधी पक्षाने कोथरूड परिसरामध्ये विरोधकांना नामशेष करण्याचा आखला असतानाच उर्वरित काही लोकांनाही भाजपवासी केल्याने कोथरूड परिसरातील शिवसैनिकांमध्ये प्रचंड रोष असून तप्त भावनेने प्रचार रणनीती आखली जात आहे. सर्व काही आपल्याकडेच अशी भूमिका सत्ताधारी पक्षाकडून केली जात असल्याने विरोधातील आवाजही सोबत घेण्याची ऐनवेळी घेतलेली भूमिका ही या प्रभागातील खरी मेक असून विजय कोणाला मिळणार याबाबत कोणीही ठाम मत मांडू शकत नाही.
