मुंबई दि. २४ (रामदास धो. गमरे) कलावंतांचे माहेरघर म्हणून विख्यात व सांस्कृतिक, शैक्षणिक, सामाजिक कार्यात अग्रगण्य असणाऱ्या सम्यक कोकण कला संस्थेच्या पदाधिकारी, सभासदांची सर्वसाधारण सभा मंदार कवाडे यांच्या अध्यक्षतेखाली दि. २६ सप्टेंबर २०२४ रोजी सायंकाळी ठीक ६:०० वाजता डॉ. बाबासाहेब आंबेडकर भवन, दादर येथे आयोजित करण्यात आली आहे.
सदर सभेत मागील सभेचे इतिवृत्त वाचन व मंजुरी घेणे, विजयादशमी कार्यक्रमाचे आयोजन करणे, संविधान दिन साजरा करणेबाबत नियोजन, सन २०२५ ची दिनदर्शिका छपाई करणे व अध्यक्षांच्या परवानगीने येणारे इतर विषय या विषयांवर चर्चा करून सभागृहात सर्वानुमते ठराव मंजूर करून घेण्यात येतील तरी सर्व पदाधिकारी व सभासदांनी वेळेवर उपस्थित रहावे असे आवाहन सरचिटणीस नरेश शिंदे यांनी संस्थेच्या वतीने काढण्यात आलेल्या परिपत्रकात केले आहे.
