किर्लोस्कर कमिन्स एम्प्लॉईज युनियन संघटनेच्या ५५ व्या वर्धापन दिनानिमित्ताने “माझे रक्त माझ्या देशासाठी” या संकल्पनेतून भव्य रक्तदान शिबिर कमिन्स इंडिया लिमिटेड, कोथरूड या कंपनीत संघटनेच्यावतीने आयोजित करण्यात आले होते. या शिबिरात ४३२ इतक्या मोठ्या संख्येने कर्मचाऱ्यांनी रक्तदान केले. विशेष म्हणजे कामगार कुटुंबातील पार्थ सोमनाथ वाले, जया सचिन कुंजीर, प्रणव भरगुडे यांचेसह अनेक कर्मचारी कुटुंबीयांनीही रक्तदान केले.तसेच कंपनीतील महिला कर्मचाऱ्यांनी देखील उत्साहाने रक्तदान करून हे रक्तदान शिबिर यशस्वीपणे पार पाडले.
रेड प्लस ब्लड सेंटर, भोसरी या संस्थेच्यावतीने रक्त संकलन करण्यात आले. संस्थेचे संचालक पी के शिंदे , डॉ अर्चना जाधव, आणि समाधान माने देशमुख, आणि रेड प्लस ब्लड सेंटरची टीम उपस्थित होती.
रक्तदान शिबिराचे उद्घाटन सुप्रसिद्ध हृदयरोग तज्ञ डॉ.अभय खोडे यांनी केले. चीफ मेडिकल ऑफिसर कमिन्स इंडिया लिमिटेड, डॉ. दिपाली खोडे ,चीफ मेडिकल ऑफिसर के ई पी डॉ. रोहित नलाभिमवार, चीफ मेडिकल ऑफिसर सीटीसीआय डॉ राहुल पाटोळे , व्यवस्थापन अधिकारी स्वप्निल नाईक ,आदेश सेठ, सचिन आवटे, संदीप चव्हाण, आणि संघटनेचे अध्यक्ष महेंद्र बालवडकर, दिगंबर पोकळे, प्रवीण दरेकर, विजय भिलारे, प्रमोद पाटील, गणेश सावंत, विकास ढोक, आणि के सी एल स्टाफ असोसिएशनचे अध्यक्ष राजेंद्र ढमाले, अनिल गायकवाड,सर्व पदाधिकाऱ्यांसह कामगार भूषण राजेंद्र वाघ, गुणवंत कामगार संजय गोळे यांचेसह अनेक कार्यकर्ते उपस्थित होते.
रक्तदानाचे महत्त्व डॉक्टर अभय खोडे यांनी रक्तदात्यांना पटवून दिले. प्रमोद पाटील यांनी कार्यक्रमाचे प्रास्तविक आणि सूत्रसंचालन केले. संघटनेच्या विविध उपक्रमाचे संदीप चव्हाण आणि सचिन आवटे यांनी विशेष कौतुक केले.कार्यक्रमाचे आभार विकास ढोक यांनी मानले.
रक्तदान शिबिर समारोपप्रसंगी प्रातिनिधिक स्वरूपात रेड प्लस ब्लड सेंटरचे पी के शिंदे, समाधान माने देशमुख, डॉ अंकिता, अर्चना जाधव यांचा डॉ. दत्तात्रय कोहिनकर यांचा मनाची मशागत हा ग्रंथ संघटनेचे अध्यक्ष महेंद्र बालवडकर आणि खजिनदार प्रवीण दरेकर यांच्या हस्ते सन्मान करण्यात आला. रेड प्लस ब्लड सेंटरचे सर्व कर्मचारी वर्गाचा देखील संघटनेच्या कार्यकर्त्यांच्या हस्ते गुलाबपुष्प देऊन सन्मान करण्यात आला. कामगार भूषण राजेंद्र वाघ यांनी आपले मनोगत व्यक्त करून संघटनेच्यावतीने रक्तदाते आणि रक्तदान शिबिर यशस्वी होण्यासाठी प्रत्यक्ष अप्रत्यक्ष काम करणाऱ्या सर्वांचे आभार मानले.
