पुणे महापालिकेच्या वतीने पुन्हा एकदा पुन्हा एकदा सायकल टूर आयोजन करण्याची धावपळ सध्या सुरू असून या भव्य दिव्य बजाज पुणे ग्रँड सायकल टूर यासाठी पुणे महापालिका 167 कोटी रुपये खर्च करणार असून ज्या मार्गावर ही सायकल स्पर्धा जाणार त्यासाठी 40 कोटी रुपये खर्च सरफेसिंग दुरुस्तीसाठी केला जाणार असून सर्वसामान्य पुणेकरांच्या मनामध्ये या आयोजनाच्या माध्यमातून होणाऱ्या खर्चाबाबत संख्या शंका असून त्याचे निराकरण करण्याची जबाबदारी पुणे महापालिकेची आहे. सर्वसामान्य पुणेकरांना या आयोजनासाठी पुणे महापालिकेच्या माध्यमातून नेमका किती खर्च जाणार याची पारदर्शकपणे माहिती कोणी आवश्यक आहे.
पुणे महापालिकेचे माजी विरोधी पक्ष नेते उज्वल केसकर यांच्या वतीने मा.प्रभारी मुख्य अभियंता (पथ) श्री राजेश बनकर यांना लेखी निवेदनाद्वारे याबाबत खुलासा करण्याची मागणी केली आहे.
उज्वल केसकर यांनी आपल्या लेखी निवेदनात उपस्थित केलेले मुद्दे:
- १) बजाज पुणे ग्रँड सायकल टूर यासाठी पुणे महानगरपालिका 167 कोटी रुपये खर्च करणार आहे. ज्या मार्गावर सायकल स्पर्धा जाणार त्यासाठी 40 कोटी रुपये खर्च करणार सरफेसिंग दुरुस्ती इत्यादी.
- पुणे महानगरपालिकेकडे कुठल्या रस्त्यावरन ग्रँड सायकल टूर जाणार याच्या संदर्भामध्ये काही माहिती आली आहे का ? असल्यास ती संकेतस्थळावर अथवा आम्हाला उपलब्ध करून द्यावी ही विनंती.
- २) या 137 किलोमीटरच्या मार्गावर गतवर्षीचा कुठला भाग किंवा रस्ते येतात त्यावर पुन्हा सरफेसिंग करण्याची आवश्यकता आहे का ? याबाबत पाहणे झाली आहे का ? या मार्गावरील जर काही सरफेसिंग करायचे असेल तर याचा अर्थ मागच्या कॉन्ट्रॅक्टरने काम चांगले केले नाहीत त्यांच्या डिफेक्ट लायबिलिटी मध्ये हे काम बसू शकते का हे तपासले आहे का ?
- ३) पुणे (——) प्रायोजकाचे नाव ग्रँड सायकल टूर असे असले पाहिजे असा महानगरपालिका आग्रह धरणार आहे का ? मागच्या वेळेला बजाज पुणे हे कोणापेक्षाही मोठे नाव आहे.
- ४) रस्ते देखभाल दुरुस्तीसाठी 100 कोटी रुपयांची तरतूद दोन दिवसांपूर्वी आपण केली मग पुन्हा 52 कोटी रुपयांची तरतूद कशासाठी ? त्या शंभर कोटी मधनं ही कामे होऊ शकणार नाहीत का ?
- ५) सरफेसिंग साठी महानगरपालिका सक्षम आहे स्वतःचा प्लांट आहे आणि रोज शेकड्यामध्ये डांबराचे ट्रक आपण पाठवत असतो मग त्यासाठी कॉन्ट्रॅक्टरची काय गरज आहे याचा विचार केला आहे का ?
- ६) 135 किलोमीटर जर मार्ग असेल तर फक्त 13 किलोमीटर फूटपाथ सुधारणा का ?
- ७) आठ किलोमीटर उंचावलेले पादचारी क्रॉसिंग हे दुरुस्त करणार म्हणजे काय करणार ?
- ८) या मार्गावर 1620 मॅन होल आहेत ? ते यापूर्वी कधीही क्षेत्रीय कार्यालय अथवा मुख्य कार्यालयाकडून समप्रमाणात आणले नाहीत ? मध्ये सणस ग्राउंड पाशी जो मोठा ड्राईव्ह माननीय आयुक्तांचे अध्यक्षतेखाली झाला त्यामध्ये किती मॅन होल्स आपण रस्त्याच्या प्रमाणात आणली त्यात यातले किती आहेत याची तपासणी केली आहे का ?
- साहेब ग्रँडटूरच्या गतवर्षी झालेली कामे अदा केलेली रक्कम याचा तपशील तातडीने जाहीर केला पाहिजे कारण मागच्या वेळेला आम्ही आयुक्तांच्याकडे आक्षेप नोंदवला होता इस्टिमेटची कॉपी दिली होती त्यामधले अनेक ॲटम हे जागेवर करता येणं शक्य नव्हते आणि ते केले नाहीत तरी त्याचे रक्कम अदा केली आहे का हे तपासणे आवश्यक आहे.
- ९) टेंडर न काढता फुटपाथ नवीन करणे आणि दुरुस्त करणे यासाठी 5(2)(२) खाली जी कामे केली होती त्यातले रस्ते आणि हे रस्ते याची तपासणी केली आहे का ?
- १०) पुण्याचं नाव जगात व्हावं यासाठी आम्ही कटिबद्ध आहोत बाहेरून येणाऱ्या खेळाडूंना चांगले रस्ते मिळाले पाहिजेत तसेच या शहरांमध्ये राहणारे आणि कर भरणारे प्रामाणिक करदाते आणि पुणेकर नागरिकांना देखील चांगले रस्ते मिळाले पाहिजेत ही आमची भूमिका आहे आणि पुण्याच्या नावात कुठलीही तडजोड करू नका ही हात जोडून विनंती आहे.
या संदर्भातली सर्व कागदपत्र इस्टिमेट कमिटीने मंजूर केलेली इस्टिमेट हे संकेतस्थळावर टाकावेत ही विनंती.
