मुंबई दि. १६ (रामदास धो. गमरे) बौद्धजन विकास मंडळ, मौजे पेवे (मुंबई) तसेच बौद्धजन सहकारी संघ, शाखा क्र. १३ (रजि.) चे माजी सहसचिव दिवंगत सुधीर तुळशीराम कदम यांच्या मातोश्री सरस्वती तुळशीराम कदम यांचे बुधवारी (दि. १५ जुलै) रात्री सुमारे ११.३० वाजता वयाच्या ८६ व्या वर्षी अल्पशा आजाराने निधन झाले. त्या बौद्धजन सहकारी संघ, तालुका गुहागर (मुंबई) च्या सदस्या होत्या. तसेच बौद्धजन विकास मंडळाच्या आम्रपाली महिला मंडळाच्या माजी कोषाध्यक्षा व विद्यमान उपकार्याध्यक्षा सौ. सुविधा सुधीर कदम यांच्या त्या सासू होत.
दिवंगत सरस्वती तुळशीराम कदम या हसतमुख, मनमिळाऊ स्वभावाच्या, मायाळू व सर्वसमावेशक होत्या, आंबेडकरी घराण्याशी एकनिष्ठ दिवंगत सरस्वती तुळशीराम कदम यांच्या पश्चात सून, मुलगी, नातवंडे असा आप्तपरिवार आहे. त्यांच्या निधनाची वार्ता समजताच बौद्धजन विकास मंडळ, बौद्धजन सहकारी संघ तसेच आम्रपाली महिला मंडळाच्या पदाधिकारी, सदस्य आणि परिसरातील नागरिकांनी शोक व्यक्त केला त्यांच्या अचानक जाण्याने समाजात ही हळहळ व्यक्त केली जात आहे.
दिवंगत सरस्वती तुळशीराम कदम यांची अंत्ययात्रा गुरुवार, दि. १६ जुलै रोजी सकाळी ११ वाजता त्यांच्या राहत्या निवासस्थानावरून म्हणजेच बी.डी.डी. चाळ, इमारत क्र. १३, नायगाव, मुंबई येथून निघणार आहे.
बौद्धजन विकास मंडळ, मौजे पेवे (मुंबई व गाव), बौद्धजन सहकारी संघ, शाखा क्र. १३ (मुंबई व गाव) तसेच आम्रपाली महिला मंडळ (मुंबई व गाव) यांच्या वतीने दिवंगत सरस्वती तुळशीराम कदम यांना भावपूर्ण श्रद्धांजली अर्पण करण्यात आली असून, कदम कुटुंबीयांच्या दुःखात सहभागी असल्याची भावना व्यक्त करण्यात आली आहे.
