पुणे : पतित पावन संघटना रायकर मळा शाखेचे उद्घाटन पुणे शहर उपाध्यक्ष राहुलभाऊ पडवळ यांच्या हस्ते उत्साहपूर्ण वातावरणात संपन्न झाले. शाखा उद्घाटनानिमित्त सामाजिक बांधिलकी जपत अक्षय ब्लड बँक यांच्या सहकार्याने भव्य रक्तदान शिबिराचे आयोजन करण्यात आले. या शिबिरात नागरिकांनी उत्स्फूर्त सहभाग नोंदवत एकूण ५३ बाटल्या रक्ताचे संकलन करण्यात आले.
या नव्या शाखेच्या स्थापनेत आणि रक्तदान शिबिराच्या आयोजनात महिलांचा लक्षणीय सहभाग विशेष उल्लेखनीय ठरला. सामाजिक कार्यात महिलांनी दाखविलेल्या सक्रिय योगदानाचे उपस्थित मान्यवरांनी कौतुक केले. सदर कार्यक्रमाचे नियोजन शिवराज निवदेकर, तुषार जाधव,गणेश रासकर, आकाश दारवटकर, अशोक जाधव, सुवर्णा दालवाले, शीतल रासकर, नेहा जाधव, ऋतुजा घडशी यांनी केले होते.
यावेळी संघटनेचे प्रांत उपाध्यक्ष राजाभाऊ पाटील, प्रांत कार्याध्यक्ष श्रीकांत शिळीमकर, प्रांत प्रवक्ते ललित खंडाळे, जिल्हाध्यक्ष दिनेश भिलारे,जिल्हा कार्याध्यक्ष संकेत माताळे शहर पालक गिरीश काकडे, अध्यक्ष तेजस पाबळे, कार्याध्यक्ष संतोष गुरु, सौरभ पवार, शहर पधादिकारी पीयूश वाईकर, सौरभ कुलकर्णी, विजय क्षीरसागर,ध्रुव जगताप,संकेत पोटे, राहुल शिंदे, खडकवासला विभाग प्रमुख आशिष बेनकर सचिन येनगुल, यश व्हावळ, पदाधिकारी, कार्यकर्ते, स्थानिक नागरिक तसेच अनेक रक्तदाते मोठ्या संख्येने उपस्थित होते. समाजोपयोगी उपक्रमांच्या माध्यमातून जनसेवा करण्याचा संकल्प यावेळी व्यक्त करण्यात आला.
