पुणे : सह्याद्री कुणबी संघ, कोथरूड विभाग यांच्या वतीने कोथरूड येथे शालेय विद्यार्थ्यांसाठी शालेय साहित्य वाटपाचा उपक्रम उत्साहात संपन्न झाला. शिक्षणाला प्रोत्साहन देण्याच्या उद्देशाने आयोजित करण्यात आलेल्या या उपक्रमाचा ५७० हून अधिक विद्यार्थ्यांनी लाभ घेतला.
या प्रसंगी सह्याद्री कुणबी संघ, कोथरूड विभागाचे अध्यक्ष अविनाश शिंदे, धनंजय पंडव, जगदीश बडंबे, विराज डाकवे, सागर धूलप, मंगेश मळेकर, सुनील भितले, वैभव भावे, समीर इत्ते, विशाल भावे, योगेश टोले, वैभव सांगले आदी सदस्य यांनी उपक्रम यशस्वी करण्यासाठी विशेष योगदान दिले.
यावेळी सह्याद्री कुणबी संघाचे ज्येष्ठ पदाधिकारी विठ्ठल काका नाईक, विठोबा काका भावे, उमेश मामा बुरटे, प्रविणजी रामाने, अजितभाऊ शिगवण यांच्या समवेत महिला आघाडीच्या वर्षा घडशी, अंकिता शिगवण, ज्योती घडशी, गौरी मळेकर, बडंबे ताई आणि जाधव ताई आदी उपस्थित होते.
कार्यक्रमाचे सूत्रसंचालन वैभव भावे यांनी केले व कार्यक्रमाच्या शेवटी विराज डाकवे यांनी उपस्थित मान्यवर, पालक, विद्यार्थी तसेच उपक्रमासाठी मोलाचे आर्थिक व वह्यांचे सहकार्य करणाऱ्या सर्व देणगीदारांचे आभार मानले.
विद्यार्थ्यांच्या शैक्षणिक प्रगतीस हातभार लावणारा हा उपक्रम उत्स्फूर्त प्रतिसादात यशस्वीरीत्या पार पडला. भविष्यातही समाजोपयोगी व शैक्षणिक उपक्रम राबविण्याचा मानस सह्याद्री कुणबी संघ, कोथरूड विभागाने व्यक्त केला.
