कैलासवासी विलास भाऊ ज्ञानोबा बराटे प्रतिष्ठानच्या वतीने सौ हेमा अनिल मोरे यांना युवा कार्यकर्ते माननीय श्री मोहित आबा विठ्ठल बराटे पाटील व कुटुंबियांच्या वतीने लग्न कार्यासाठी झाल देण्याचा कार्यक्रम संपन्न झाला. 1990 सालापासून कै. विलास भाऊ ज्ञानोबा बराटे पाटील यांनी गरीब कुटुंबाला झाल देण्याची परंपरा चालू ठेवलेली होती त्यांच्यानंतर श्री मोहित आबा विठ्ठल बराटे यांनी व त्यांच्या कुटुंबीयांनी सुद्धा ही परंपरा आजपर्यंत सुरू ठेवलेली असून एका गरजवंत कुटुंबात आनंदाचे क्षण निर्माण करण्याचा, पुण्याचा व माणुसकीचा सुंदर व आगळा वेगळा असा हा उपक्रम असल्याचे समर्थ सेवा प्रतिष्ठानचे संस्थापक अध्यक्ष आनंद उर्फ बंडू शेठ तांबे यांनी यावेळी आमच्या प्रतिनिधीशी बोलताना सांगितले.
गरीब आणि गरजू मुलीच्या आयुष्यात आनंदाचे, प्रेमाचे आणि आपुलकीचे रंग भरावेत या उदात्त हेतूने “झाल देण्याचा कार्यक्रम” कैलासवासी विलास भाऊ बराटे प्रतिष्ठानच्या वतीने आयोजित करण्यात आला आहे असे ज्येष्ठ सामाजिक कार्यकर्ते व वनदेवी सेवा संस्थानाचे विश्वस्त माननीय श्री चंद्रकांत आप्पा बराटे पाटील यांनी यावेळी सांगितले. एका मुलीच्या चेहऱ्यावर हास्य फुलवणे, तिच्या संसाराला हातभार लावणे आणि तिच्या नव्या आयुष्याला शुभाशीर्वाद देणे, यापेक्षा मोठे पुण्य दुसरे नाही असे थोर सामाजिक कार्यकर्त्या व समर्थ सेवा प्रतिष्ठानच्या कार्याध्यक्ष मीनाताई मोरे यांनी यावेळी सांगितले. आपल्या छोट्याशा मदतीतून एखाद्या लेकराचे आयुष्य उजळू शकते, तिच्या डोळ्यातील अश्रू आनंदात बदलू शकतात.
“दान हे संपत्तीने नाही, तर मनाच्या श्रीमंतीने केले जाते.”
आपला छोटासा हातभार एखाद्या मुलीच्या आयुष्याचा मोठा आधार ठरू शकतो. असे मोहित आबा बराटे पाटील यांनी यावेळी बोलताना सांगितले. ही झाल कै विलासभाऊ बराटे यांच्या पत्नी श्रीमती माई विलासभाऊ बराटे यांच्या शुभहस्ते सुपूर्त करण्यात आली.
