पुणे शहराच्या क्रीडा परंपरेला साजेसा आणि महाराष्ट्राच्या अस्मितेचा अभिमान असलेला कुस्ती खेळ पुन्हा एकदा केंद्रस्थानी आणण्यासाठी कुस्ती मल्लविद्या महासंघ, पुणे जिल्हा यांच्या वतीने मा. महापौरांची भेट घेण्यात आली.
पुणे महापौर चषक स्पर्धेत कुस्तीचा समावेश व्हावा, तसेच पुणे जिल्ह्यातील कुमार मल्लांसाठी स्वतंत्र गट विभाग असावा, अशी ठाम मागणी यावेळी करण्यात आली. मात्र स्पर्धेची तयारी पूर्ण झाल्यामुळे तात्काळ समावेश शक्य नसल्यास, महानगरपालिकेच्या माध्यमातून पुणे जिल्ह्यातील उदयोन्मुख कुमार मल्लांसाठी स्वतंत्र स्पर्धेचे आयोजन पुढील काळात करण्यात यावे, अशीही आग्रही विनंती करण्यात आली.
या प्रसंगी आमचे मार्गदर्शक पै. दत्तात्रय भिसे, पै. विलासभाऊ मानकर, क्रीडा सेल (रा.कॉ) सचिनदादा यादव, तसेच पै. निकुंज उभे कुस्ती मल्लविद्या महासंघ यांच्या हस्ते मा. महापौरांना निवेदन सादर करण्यात आले.
