मुंबई दि. २० (रामदास धो. गमरे) दिशा महाराष्ट्राची आयोजित जागतिक महिला दिनानिमित्त तसेच वाहिनीचे मुख्य संपादक तुषार गौतम नेरवेकर यांची जेष्ठ सुकन्या भार्गवी तुषार नेरवेकर हीच्या वाढदिवसाचे औचित्य साधून महाराष्ट्रातील विविध क्षेत्रात आपल्या अमूल्य कार्याचा ठसा उमटविणाऱ्या ५५ कर्तुत्ववान महिला राज्यस्तरीय सन्मान सोहळा अर्थात उत्सव महिला दिनाचा… सन्मान स्त्री जन्माचा हा सालाबादप्रमाणे होणारा ४ था सोहळा रविवार १५ मार्च २०२६ रोजी सकाळी १०:३० ते दुपारी ३:३० या वेळात मुख्याध्यापिका अर्चना मोहिते यांच्या अध्यक्षतेखाली डॉ. बाबासाहेब आंबेडकर समता भवन, जुईनगर स्टेशन जवळ, सानपाडा, नवी मुंबई – ०५ येथे मोठ्या उत्साहात संपन्न झाला.
सदर प्रसंगी उपस्थित मान्यवरांच्या शुभहस्ते दीप प्रज्वलन करुन कार्यक्रमाची सुरुवात करण्यात आली, सदर कार्यक्रमाचे सूत्रसंचालन श्रीतेज नेवरेकर व सपना नेवरेकर यांनी आपल्या भारदस्त आवाजात लाघवी भाषाशैलीत केले तद्नंतर महाराष्ट्रातील ५ नामवंत कवींचा सहभाग असणाऱ्या व स्त्रियांच्या जीवनावर भाष्य करणाऱ्या “ति” या कवितेचे हृदयस्पर्शी सादरीकरण करण्यात आले त्याने संपूर्ण सभागृह अक्षरशः गहिवरून आले त्यानंतर विविध कलागुणांनी संपन्न असा कलाविषकराचे सादरीकरण करण्यात आले यामध्ये मिमिक्री, नृत्य, गाणे यांचा समावेश होता.
सदर कार्यक्रमास साधना बोत्रे (राष्ट्रवादी जिल्हा महिलाध्यक्ष, रत्ना.), अर्चना मोहीते (आदर्श मुख्याध्यापिका, समुपदेशक सुप्रसिद्ध निवेदक), ॲड. पूजा कांबळे (Criminal, Civil and फॅमिली matters), मनीषा शिरटावले (ललित साहित्यिका, कृतिशील आदर्श शिक्षिका), डॉ. पौर्णिमा सोनकांबळे (Life member- Indian Medical Association, Joint Secretary- P.I. Sonkamble Trust/Foundation), आत्माराम चव्हाण (विभाग निरीक्षक- BMC, प्रो कबड्डी सामना अधिकारी), तेजस बोरघरे (संपादक – कोकण कट्टा न्यूज), चंद्रकांत जगताप (संस्थापक अध्यक्ष – टेकीया, संपादक- स्पंधन प्रकाशन), अर्चना भोर- करंडे (सुप्रसिद्ध युवा व्याख्यात्या, कवयित्री, विश्लेषक), सीमा खंडागळे- लोंढे (जनसंपर्क अधिकारी -PR, प्रसिद्ध कवयित्री) या मान्यवरांची प्रमुख उपस्थिती लाभली होती. सरतेशेवटी सदर कार्यक्रम यशस्वीपणे पार पाडण्यासाठी अथक परिश्रम घेणाऱ्या सर्वांचे आभार मानून तुषार गौतम नेवरेकर यांनी कार्यक्रमाची सांगता केली.
