मुंबई दि. १८ (रामदास धो. गमरे) बौद्धजन पंचायत समिती शिवडी विभाग गटक्रमांक १३ या विभागातील जेष्ठ कार्यकर्ते, शाखा क्र. २३८ चे सभासद, आदर्श शेतकरी, समाजसेवक संजय विश्राम पवार मुक्काम गाव मांडकी, ता. चिपळूण, जिल्हा रत्नागिरी यांनी मरणोत्तर अवयव दान जाहीर केल्याबद्दल शिवडी विभागाच्या वतीने डॉ. बाबासाहेब आंबेडकर स्मारक सभागृह भोईवाडा परेल मुंबई – १२ येथे सभापती आनंदराज आंबेडकर यांच्या शुभहस्ते शाल, पुष्प देऊन सन्मानित करण्यात आले.
सदर प्रसंगी कार्यसम्राट कार्याध्यक्ष लक्ष्मण भगत यांनी शुभेच्छापर भाषण देत असताना “अवयव दान हे महादान असून ते या पृथ्वीतलावरील सर्वश्रेष्ठ दान आहे, अवयव दानामुळे गरजू रुग्णांना पूर्नर्जीवन मिळण्यासाठी सहाय्यक ठरणारे हे दान आहे, अशा परोपकारी उपक्रमास स्वतःला वाहून घेतल्याबद्दल बौद्धजन पंचायत समितीचे सभापती आनंदराज आंबेडकर, उपसभापती विनोद मोरे, व्यवस्थापक मंडळ शिवडी विभाग कार्यकारिणी, शाखा पदाधिकारी यांच्या वतीने मी संजय विश्राम पवार यांचे जाहीर अभिनंदन करतो व त्यांना हार्दिक शुभेच्छा देतो” असे नमूद केले.
उपकार्याध्यक्ष एच. आर. पवार, सरचिटणीस राजेश घाडगे, सचिव यशवंत कदम, विभाग प्रतिनिधी रामदास धो. गमरे, कार्यालयीन सचिव संजय मोहिते, कार्यालयीन सेवक प्रदीप तांबे, विभागाचे कार्याध्यक्ष संतोष जाधव, संदीप मोहिते, कोषाध्यक्ष प्रविण तांबे, उपाध्यक्ष प्रमोद लोखंडे, अजय पवार, शाखेचे चिटणीस बाळकृष्ण जाधव, मंगेश जाधव, राहुल कदम, सल्लागार सीताराम कांबळे, प्रकाश कासे आदी मान्यवर मोठ्या संख्येने उपस्थित होते.
